掃呢頁CODE去手機

2018年5月2日 星期三

【高大靚仔一樣係單身】HeHe定父女戀?唐文龍怪自己太奄尖 __,HeHe,唐文龍,男同性戀,

唔少人都讚唐文龍高大靚仔、身材健碩、成熟穩重.....有美國綠卡,曾於紐約流行設計學院FashionInstituteofTechnology攻讀女裝 ...


唔少人都讚唐文龍高大靚仔、身材健碩、成熟穩重.....有美國綠卡,曾於紐約流行設計學院Fashion Institute of Technology攻讀女裝設計藝術學士,就連緋聞情人劉永健都讚佢係「暖男」。

咁嘅條件,但唐文龍到咗48歲都係冇女朋友,究竟衰乜呢?唐文龍日前接受《蘋果》專訪時,自爆三大「死因」﹕

一.太奄尖

二.窮

三.事業心太重

唐文龍輕嘆﹕「我唔係enjoy一個人,係習慣一個人。again,唔排除有好緣份,但唔會刻意追求。」

唐文龍傳完同劉永健hehe,又傳與黃文意搞父女戀,似乎冇一段正常關係。佢扁晒嘴咁話﹕「都怪自己奄尖啦,以前喺內地有個女朋友,但成日兩邊跑,自己喺大陸建立咗工作基礎,但香港又想有,唔容易認識一個人配合到我,又要乎合我奄尖嘅條件,咁不如清清地先。」

寧願傳hehe定小妹妹?文龍好無奈咁話﹕「冇得寧唔寧願,唔想對文意咁,平復咗唔想欺負佢。(一齊慶祝生日,真係冇拍過拖?)冇,正常朋友,正常去大嶼山,正常食飯,有啲人話掩眼法,大家在心中知道啦。而永健係洪拳師傅個仔,唔使解釋。」

唐文龍喺娛樂圈逾20年,跌多過起,住過劏房,幾年前銀行戶口都係得4位數,亦曾經被女仔嫌窮。但佢話窮都要窮得有骨氣,「因為我自尊心好強,同女仔出街我一定要俾錢。如果我結識一個好有錢,都要跟我去食茶餐廳,唔係強迫人配合我,但同樣唔係要黐佢,我唔係咁嘅人。」佢直言父母一直有催婚,佢尷尬咁話﹕「哥哥都係兩、三年前結婚(自己笑咗),依家都未有小朋友,老人家梗係想抱孫啦,我都鍾意小朋友,但都擔心自己無命生。(家燕姐想撮合你同佘詩曼喎?)哈哈,大家係好兄弟好朋友,佢仲係我兄弟嘅緋聞女友,總之佢份人真係好nice。」

精選娛聞,喺晒《娛果》 http://fb.com/appledailyent

傳唐文龍係「基民」,佢都覺得好無奈。 (右﹕Bubble寫真月刊) 唐文龍去年生日同黃文意一齊去睇大佛,因而傳緋聞。

劉永健同唐文龍好老友,係大陸發展時亦會互相幫忙。(資料圖片)

薛家燕曾爆唐文龍追佘詩曼。(ig圖片)

唐文龍仲有一位哥哥,但都係幾年前先結婚,至今未有小朋友。 (受訪者提供)

鍾意就快D Share啦!