「歌王」陳奕迅（Eason）獲品牌邀請到俄羅斯欣賞世界盃賽事，其中D組首輪賽事阿根廷對冰島之戰，Eason代表品牌頒發「最佳球員」獎，賽前一致認為他最有機會頒獎給阿根廷「球王」美斯，沒料遭冰島門將荷杜臣「一撲夢碎」，「兩王相遇」變成「兩臣相遇」，球迷紛紛替Eason揼心！
前晚世界盃阿根廷對冰島，Eason除置身現場睇波外，原來更有一項神聖任務，就是擔任「最佳球員」的頒獎嘉賓，結果冰島門將荷杜臣將「球王」美斯主射的12碼撲出，以1比1逼和阿根廷。這位香港人不太認識的荷杜臣，今次可謂「一撲」成名變「門神」，賽後更當選「最佳球員」，獲Eason親手送上獎座。
球迷戥唔抵
事後Eason將與荷杜臣的合照上載社交網，兩人笑到四萬咁口，他更大讚荷杜臣由導演踩過界做門神：「原本當導演的他，擋掉了漂亮的一球，也成為了今晚的"Man of the Match"！恭喜你，Mr. Hannes Þór Halldórsson！」
不過，很多球迷和網民都戥Eason揼心，皆因美斯若射入12碼，分分鐘變「最佳球員」，一世人有幾多機會能夠埋「球王」美斯身兼親手頒獎？怎料被荷杜臣「撲」碎Eason頒獎給球王的美夢！更抵死的是有網民以Eason歌曲《十面埋伏》來形容與美斯無緣相見，甚為啜核：「只差一點點即可以再會面……只差一個『靚波』，將彼此錯過！」
話雖如此，Eason覺得今次能做頒獎嘉賓已好榮幸，因頒獎於後台進行，普通人是不能進入，令他首次見到球員從球員通道回來。問到事前可有想過頒獎給美斯？經理人甘菁菁轉述他的感受：「咁佢當然知道阿根廷係勁，亦聽聞冰島球技都唔差。佢睇完呢場波，都話好精彩，氣氛好犀利，嗰刻多過諗頒獎畀邊一個。」
「門神」邀合作？
其實冰島「門神」荷杜臣是娛樂圈人，他正職是導演，拍過不少作品，之前便拍了一個號稱冰島史上製作費最貴的飲品廣告，拍完廣告後才回歸國家隊操練備戰世界盃。今次二人相識後，Eason獲對方邀請到冰島合作亦不足為奇。
更多新聞，請瀏覽東方日報頁：
http://orientaldaily.on.cc/
|
鍾意就快D Share啦！
|
|
|
