掃呢頁CODE去手機

2018年7月28日 星期六

娛樂專題:阿嬌改過4次名 王菲原名唔係王靖雯! __,阿嬌,王菲,鍾欣潼,

佢哋改過好多名呀!唔少明星、藝人加入娛樂圈後都會有藝名,甚至改名換姓發展歌影事業,可能因為覺得個名俗氣,亦可能係希望新名字能夠對星途有更好嘅發展!王菲 ...


佢哋改過好多名呀!


唔少明星、藝人加入娛樂圈後都會有藝名,甚至改名換姓發展歌影事業,可能因為覺得個名俗氣,亦可能係希望新名字能夠對星途有更好嘅發展!

王菲

天后王菲曾經三度改名,早年佢跟隨母親夏桂影姓氏,叫做夏林,去到15歲時跟番爸爸姓氏改名做王菲,之後佢去香港發展歌唱事業,再改名為王靖雯,直到1994年先由王靖雯改回為王菲,當時佢嘅歌唱事業已經發展唔錯,決定保留原有名字!

傅珮嘉

歌手傅珮嘉於1999年以藝名高雪嵐推出首張唱片,2001年用回原名傅珮嘉發展歌唱事業,2003年更以其中英文名推出唱片,其後專注幕後工作,而且婚後曾移居台灣,直到2014年重返樂壇,並以新藝名傅又宣重新出發。

陳淑蘭

藝人陳淑蘭曾經喺喜劇節目《點解香港咁過癮》中,以當時流行漫畫《聖鬥士星矢》造型出現,自稱「愛鬥士蘭子」,故從此大家暱稱佢為「蘭子」。有指「陳淑蘭」此名不利於桃花,2006年蘭子經高人指點下改名為陳道然,揚言此名會令佢富貴。

鍾欣潼

歌手鍾欣潼(阿嬌)四度改名,出世時父母取其名為鍾狄珊,兩歲時改名為鍾嘉勵,入行時以舊藝名鍾欣桐發展星途。2013年決意延續「潼」話,宣布連同身份證名字都改為同音嘅鍾欣潼,寓意喺人生路上一樣來個新轉變,2018年與台灣「醫界男神」賴弘國拉埋天窗,事業愛情兩得意。

黃依汶

女星黃依汶本名黃愷慈,英文原名為Dior,入行改名為黃伊汶、Emme,2017年正式脫「伊」棄用舊名,改名為黃依汶,解釋用「依」字有依靠之意,幫助增添溫柔,平衡家庭與事業。

李宜錚

前歌手李宜錚原名李亮頤,曾經改名為李蘢怡加入娛樂圈,由模特兒轉型做歌手,可是星途成績平平,後來改名為李宜錚轉行做珠寶售貨員,其後重投校園生活,遠赴英國讀書修讀藝術學位課程,憑住堅持最近終於大學畢業。


來源 source: http://hk.on.cc
鍾意就快D Share啦!