2018年7月17日 星期二

【索媽出場搶Ali鏡】姚嘉妮演後生MK妹 網民讚零違和:唔似生過B __,嘉妮,姚嘉妮,

《BB來了》入面嘅李佳芯,就算由港女晉升港媽,無論脾氣有幾惡頂,但依然有唔少巴打繼續對佢心心眼。不過,Ali唔再係一枝獨秀喇!事關姚嘉妮一出場,立即分 ...




《BB來了》入面嘅李佳芯,就算由港女晉升港媽,無論脾氣有幾惡頂,但依然有唔少巴打繼續對佢心心眼。不過,Ali唔再係一枝獨秀喇!事關姚嘉妮一出場,立即分薄咗一批擁躉。

其實難怪觀眾會大讚姚嘉妮,作為兩孩之母依然keep得咁好,喺劇中飾演陪月員朗朗,真係成個大剌剌嘅o靚妹仔咁,完全無違和感。查實佢點keep嘅呢?姚嘉妮話方法好簡單:「就係因為要keep囉!我自己好鍾意Keep fit做運動,停唔落嚟,個人都係紮紮跳嗰隻,同埋見到自己身材fit啲,個人都精神啲。」

朗朗對住允豬豬唱「山邊有個姑娘,剝衫剝褲沖涼」,一出場已經俾人感覺膠膠地唔可靠,加上打扮唔得體,所以佢作為陪月員,無論外形定性格都唔合格。重點係咁鬼索,新手媽媽事頭婆唔擔心就假喇!不過,睇落去就會開始鍾意朗朗,更會發現如網民所講:「膠膠地,但識做人、識分輕重,好人一個。」於是希望姚嘉妮唔好只係客串做幾集。

對於朗朗被欣賞,姚嘉妮好開心:「好多謝大家鍾意朗朗呢個角色,我啱啱收到劇本時都覺得呢個角色非常之好,我自己好鍾意,希望可以發揮得好。因為我個角色係過氣MK妹女陪月,比較特別啦,普通陪月都係乖乖女仔,所以做一個過氣MK妹女陪月都幾得意嘅。大家放心,我個角色係會一直去到尾嘅,而且朗朗背景都好複雜,咁我唔劇透住喇,等大家慢慢一路睇就會知道我嘅過去同埋一啲不可告人秘密。」

姚嘉妮今次飾演後生MK妹,真係carry得到,外形窈窕靚麗,性格開朗跳脫但又不失穩妥,令觀眾發現原來佢都可以好搞笑,而佢自己都承認呢一點:「其實我自己都好鍾意拍笑片,可能人哋有時見我好似好cool,但其實我本身個人幾搞笑,希望多啲監製可以搵我做笑片啦。」有觀眾緣嘅演員,無奶油唔用!

請參與壹週刊大獎賞活動!有機會抽中郵輪假期 、名牌腕錶、4K超高清電視或金箔護膚品,仲有機會同陶傑共晉晚餐添!

即按:http://bit.ly/Appinstall18

立即按此連結下載APP:http://bit.ly/next28app

鍾意就快D Share啦!
Related Posts Plugin for WordPress, Blogger...