掃呢頁CODE去手機

2018年7月17日 星期二

【生育有恐懼】《BB來了》李佳芯演活神經質媽媽 觀眾:睇完唔敢生(足本版) __,李佳芯,BB來了,

記得《BB來了》首集播出後,好多人都話「悶,唔好睇」,但一星期播咗5集之後呢?就被網民評為「今年TVB最好睇嘅劇」。典解嘅典解嘅?除咗因為Ali好正, ...




記得《BB來了》首集播出後,好多人都話「悶,唔好睇」,但一星期播咗5集之後呢?就被網民評為「今年TVB最好睇嘅劇」。典解嘅典解嘅?除咗因為Ali好正,亦因為套劇好寫實,寫實到有部分觀眾開始對婚姻、生育有恐懼。事關生完允豬豬後嘅Ali,好恐怖!

睇完Ali演出之後,有好多媽媽級觀眾有感觸,仲話好體諒Ali個角色,因為做初生媽媽真係好慘。

不過對於男性觀眾嚟講就似乎越睇越飆冷汗。講真,劇中黎諾懿呢個老公認真無得彈,搵食之餘放咗工都有幫手湊B做家務,仲要夾喺阿媽同老婆之間左右做人難。都算,難得係佢仲肯花心思去氹老婆,但到頭來一句讚賞都無,反而一直受氣受靶,仲要吹波仔。難怪好多巴打都話:「呢套戲加深我對BB嘅恐懼」、「做老公真係好慘」、「淆淆地,睇完唔敢生」。

能令觀眾咁有代入感,證明Ali等一眾演員真係做得好好,Ali更將大肚婆、初生媽媽嘅神經質演活晒!所以觀眾大讚佢「進步神速」、「TVB現役最好演技女演員」不無道理。

請參與壹週刊大獎賞活動!有機會抽中郵輪假期 、名牌腕錶、4K超高清電視或金箔護膚品,仲有機會同陶傑共晉晚餐添!

即按:http://bit.ly/Appinstall18

立即按此連結下載APP:http://bit.ly/next28app

鍾意就快D Share啦!