鄧麗欣其實緋聞唔多。
藝人鄧麗欣承認同台灣藝人王子拍拖，相差六年嘅姊弟戀開始萌芽！
講到鄧麗欣戀情，最經典一定要數到方力申，想當年佢哋唱過多首合唱情歌，如《好心好報》、《好好戀愛》等，從而傳出緋聞，之後佢哋又合作咗一系列嘅電影，可以話係金童玉女。去到2010年，佢哋被拍得蜜遊馬爾代夫，二人先承認戀情！去到2016年，二人透過經理人公司發表分手聲明，宣布結束十年情！之後方力申出席活動時，自爆喺拍拖十周年當日分手，非常可惜！
導演葉念琛亦都有同鄧麗欣傳過緋聞，有傳佢力追鄧麗欣幾年，仲開拍電影捧Stephy做女主角，而Stephy被指難抵癡情曾與對方單獨約會，令佢同小方感情出現暗湧。
鄧麗欣同小方分手之後，就同台灣女排球健將鄧衍敏（小牛）傳出斷背情，有指鄧麗欣去台灣玩時，小牛都管接管送，之後佢哋去到餐廳用膳，小牛仲親自餵食！
來源 source: http://hk.on.cc
|
鍾意就快D Share啦！
|
|
|
