熱爆娛樂: 【透Bra行超市】新戀情浮面吳千語買餸餵飽男友？ _

2018年7月29日星期日

【透Bra行超市】新戀情浮面吳千語買餸餵飽男友？ __,吳千語,千語,

24歲嘅吳千語，11年加盟黃百鳴公司，翌年已經成為林峯口中最愛嘅BB，不過呢段情維持咗5年就結束。

事實上，早於去年已不斷傳出2人分手消息，只係兩位當時人都唔認，直到今年3月，林峯被《蘋果》讀者發現同國產女模張馨月蜜遊海洋公園，佢先公開承認同千語分手「一段時間」。

至於，被指放棄5年情，轉投百億富三代施伯雄（Brian）懷抱嘅千語，雖然至今未有確認新戀情，但最近經常有意無意喺Ig放閃，如早前上載橙色玫瑰花，仲tag埋Brian，睇嚟佢同Brian嘅關係已經明朗化，唔介意將感情浮面。

而最近喺大陸拍戲嘅千語，原來日前返咗香港，仲孖老友馬天佑行超級市場。當日大約4點幾，千語著黑色長legging，襯一件背脊開晒窿、前面透Bra，後面露晒Bra帶嘅白色上衣，同老友馬天佑及一位女友人，現身銅鑼灣時代廣場一間超級市場，全程推住手推車嘅千語，入超市後左揀右揀，睇完冰鮮肉，再去揀調味料，最後再揀咗啲整蛋糕嘅工具，似乎好享受呢個購物過程。

不過，同行嘅馬天佑，同埋千語嘅女友人，就明顯只係陪襯，兩個人邊行邊玩篤電話，馬天佑行到無聊，仲忽然出手拍打千語pat pat，不過千語對呢位閨密嘅舉動就唔多在意，只係用手輕輕掃開就繼續行，幾個人喺超市行咗大約20分鐘，再轉戰去睇化粧品，千語試咗唇膏同粉底，最後可能發現記者，畀完錢三個人就拿拿聲走人。

採訪、攝影：羅德光

精選娛聞，喺晒《娛果》

http://fb.com/appledailyent

攝影：羅德光	千語入到超市，推住購物車好專心揀。（攝影：羅德光）	 乜嘢食材都好有興趣。（攝影：羅德光）
 馬天佑拍打千語pat pat。（攝影：羅德光）	 千語用手掃開馬天佑。（攝影：羅德光）	 揀調味料揀到踎底。（攝影：羅德光）
 馬天佑同千語女友人全程大多時間都在篤電話。（攝影：羅德光）	 買好晒千語叫大家起行。（攝影：羅德光）	 千語件衫後面穿窿露Bra帶。（攝影：羅德光）
 千語呢排成日去玩滑水。（Ig圖片）	 千語同施伯雄一齊出海，友人將佢個樣用圖案遮住。（讀者提供相片）	 千語喺Ig影住一束花，左邊有綠色小字tag咗施伯雄英文名。（Ig圖片）