掃呢頁CODE去手機

2018年9月9日 星期日

【下月結婚不設防即中?】苟芸慧疑有喜 被爆連日到中環買孕婦用品(足本版) __,苟芸慧,

35歲嘅苟芸慧,下個月中就嫁俾公子陸漢洋,正式成為少奶奶。唔知係咪有婚期就不設防?有讀者報料,話就快做人妻嘅苟姑娘,最近有幾日都去咗中環一間孕婦嬰兒用 ...




35歲嘅苟芸慧,下個月中就嫁俾公子陸漢洋,正式成為少奶奶。

唔知係咪有婚期就不設防?有讀者報料,話就快做人妻嘅苟姑娘,最近有幾日都去咗中環一間孕婦嬰兒用品店掃貨。有指闊身裙現身嘅佢,第一次買咗啲孕婦用品,點知過幾日佢又去幫襯,買嘅都係孕婦物品。

雖然苟姑娘嘅身形,真係唔易一眼睇出孕味,但上月中佢盛裝出席活動時,竟罕有只襯對矮踭尖頭鞋,有別於平日鍾意高踭鞋嘅打扮。苟姑娘講過,未婚夫陸漢洋婚後唔想咁快要bb,因為未ready做爸爸不過眼見好姊妹鍾嘉欣生咗一對仔女,李亞男又就快做媽咪,三張幾嘅苟姑娘,都好想快啲生,仲諗定要為陸家生夠三個先肯收工。

咁又係,20至35歲係女性理想生育期,唔想做高齡孕婦,真係要趁快。睇佢ig,成日湊住姪仔去玩,就知幾咁鍾意小朋友雖然話未婚夫未ready做老豆啫,但當BB來了,又唔同睇法嘞!

立即下載Apps,隨時隨地睇盡時政專題、深度偵查、娛樂熱話!按此連結:http://bit.ly/next28app

鍾意就快D Share啦!