馬來西亞首相馬哈蒂爾上月剛結束訪華之旅，宣佈將大馬原粒「貓山王」榴槤（大馬農業局註冊編號：D197）直輸中國，業界預計最快明年向內地傾銷1,000噸，有榴槤愛好者擔心大馬「樹上熟」榴槤被內地人爭相購買搶高價錢。剛新婚的香港時裝設計師鄧達智（William）堪稱「榴槤控」，他對於內地人會否瘋搶「貓山王」則有另一番見解。他笑言，在大馬當地人眼中，最高級別的榴槤不是「貓山王」，而是檳城出產的「黑刺」（D200），而中國人只懂金黃色果肉的「貓山王」。
繼續睇：
【瘋搶D197】千噸大馬榴槤傾銷中國 經銷商睇淡：隨時湧現倒閉潮 https://bit.ly/2ouwbKz
【榴槤冷知識】貓山王標榜樹上熟 點解食前要敲「屁股」？ https://bit.ly/2NETgFB
鄧達智幾乎每年都會到馬來西亞大啖樹上熟榴槤，他與外科醫生陳梓欣更因榴槤結緣，譜出一段「榴槤戀」開花結果，更曾自爆：「認識佢（陳梓欣）時，大家話好鍾意食榴槤，之後一個星期就約埋一齊嚟食榴槤，就係我哋第一次dating（約會）」。上周，二人才由「貓山王」原產地彭亨州文冬鎮大快朵頤。
鄧達智教路最高級別的大馬榴槤是要最高的山、最老的樹，每啖果肉是「先苦後甜」，而今年大馬榴槤大造，一個榴槤可便宜到20元馬幣（下同，約38港元），往年至少要100馬幣（約190港元）。他指「貓山王」這個品種只是起了一個好名字：「一聽就有個『王』字，個個都追隨住，但係好食嘅。」
他相信，中國遊客對流行的東西會一窩蜂湧去，但到東南亞吃榴槤的話，他們會首選泰國多過馬來西亞，始終曼谷有購物、豪華酒店，也可以順道大啖榴槤。而內地人對大馬榴槤的欣賞程度，他則認為與香港人有一段距離，「只要呢樣嘢夠貴，（中國人）就會去搶，就好似增城掛綠荔枝去拍賣咁......而佢哋除咗『貓山王』之外，都唔識其他（品種）。」
《蘋果》記者
| 鄧達智譜出「榴槤情緣」，更開花結果。 | | |
| | | |
|
鍾意就快D Share啦！
|
|
|
