掃呢頁CODE去手機

2018年9月2日 星期日

【慈父Paul負責縱】5歳黃鶯活躍無時停 朱茵出硬功搞唔掂唯有 (足本版) __,Paul,朱茵,黃貫中,

朱茵因乜事咁勞氣,捉住人地個女訓話呢?之唔係兩個小朋友走埋一齊就失晒控,激到阿媽紥紥跳囉!唔好以為女孩子斯文啲就好易湊,睇下5歳大嘅黃鶯,活躍程度直迫 ...




朱茵因乜事咁勞氣,捉住人地個女訓話呢?之唔係兩個小朋友走埋一齊就失晒控,激到阿媽紥紥跳囉!

唔好以為女孩子斯文啲就好易湊,睇下5歳大嘅黃鶯,活躍程度直迫男孩子,做阿媽嘅真係睇少一眼都唔得架!

早排《壹仔》就見到朱茵湊住阿女約埋朋友仔一齊去歎日本嘢。兩個差唔多年紀嘅小女孩走埋一齊,玩到癲晒,真係叫都叫唔住!玩還玩!女孩子,儀容好緊要嘅!見阿女玩到披頭散髮,朱茵即刻出手幫阿女紥返條孖辮,之後又幫佢綁返好條圍巾。兩個小朋友連食嘢嗰陣,都唔肯坐定定,爭住舉手!朱茵無眼睇,唯有叫工人姐姐帶兩個小朋友出去行個圈啦。 點知兩個人仔細細,竟然走咗去玩平版電腦,仲玩到唔捨得走!之後要朱茵出馬,先捉返佢地返去餐廳。

食完嘢,阿女一個箭步衝出門囗,連工人姐姐都捉唔住。阿女近乎失控,朱茵終於出手喇!先捉住人地個女訓話。跟住再喝住自己個女。 硬功唔得,唯有㝽朱茵之後帶住個女去玩平版電腦,任玩唔嬲!玩完一輪,仲去買Marcaron 做奬勵 。睇下阿女開心到跳晒舞。呢招果然work 阿女今次終於肯乖乖地拖住媽咪。朱茵呢個另類教女法,果然高招!

立即下載Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app

鍾意就快D Share啦!