掃呢頁CODE去手機

2018年10月7日 星期日

【10/10梅艷芳冥壽】胡杏兒 郭羡妮應歌迷邀請 演阿梅電影 __,杏兒,梅艷芳,阿梅,胡杏兒,

10月10日係樂壇天后梅艷芳嘅冥壽,雖然佢離開咗大家將近15年,但一班忠實fans依然無忘記佢嘅一切。將上映嘅電影《朝花夕拾芳華絕代》,就係一班忠實f ...




10月10日係樂壇天后梅艷芳嘅冥壽,雖然佢離開咗大家將近15年,但一班忠實fans依然無忘記佢嘅一切。

將上映嘅電影《朝花夕拾 芳華絕代》,就係一班忠實fans,花咗年幾時間同心血,為紀念偶像拍攝而成,

連曾志偉都話套戲好感動。《拾 芳》是一部由一班好有心,跟隨梅艷芳多年的歌迷,出心出力出錢拍攝而成的,內裡很多都是真實的個案,非常之感人。」

呢套電影,女主角有胡杏兒同郭羡妮,不過佢兩位都唔係飾演阿梅,胡杏兒演嘅係阿梅現實中識於微時,曾經一齊追隨西城秀樹嘅好朋友Amy,而郭羡妮就係演阿梅嘅忠實歌迷Eva。

故事骨幹,係由13年一班忠實歌迷,為阿梅爬入垃圾櫃,將拍賣唔到,俾人當垃圾掉嘅遺物,包括佢生前珍而重之嘅fans信,一封一封咁執番開始講起,從而帶出呢位偶像生前對人嘅真摯情義,及與幾位歌迷之間嘅感動故事。

「郭妮羡一收到呢個劇本後就好快答應,因佢知道幾年前拍賣件事,亦都睇到劇本好感動,佢覺得角色好似天使咁,將珍貴嘅物品派番俾每個FANS,令到大家有個更好回憶。」歌迷Eva說。

當歌迷從垃圾櫃中搵番屬於自己同偶歌之間嘅信件,及每一件送俾佢嘅小禮物,佢哋都激動地喊,因為梅艷芳對人嘅真,唔係流於表面,而係出於真心,對歌迷送俾佢嘅每封信,同每件禮物,都珍而重之咁保存多年,所以佢哋想透過同偶像生前嘅互動點滴,將阿梅立體地呈現出嚟。

一個偶像能夠受人敬仰,正正因為佢嘅真,打動歌迷嘅心。

鍾意就快D Share啦!