掃呢頁CODE去手機

2018年10月7日 星期日

英超Fever:【魔性再現】A山絕殺 曼聯反勝寸王續命 __,曼聯,

(法新社圖片)周六英超壓軸大戰,由曼聯主場迎戰紐卡素,近期戰績低迷嘅「紅魔鬼」,憑住下半場絕地大翻身,由桑馬達、安東尼馬迪爾同阿歷斯山齊士連入3球,戲 ...


(法新社圖片)


周六英超壓軸大戰,由曼聯主場迎戰紐卡素,近期戰績低迷嘅「紅魔鬼」,憑住下半場絕地大翻身,由桑馬達、安東尼馬迪爾同阿歷斯山齊士連入3球,戲劇性反勝3比2,全取3分。成功終止4場不勝走勢,曼聯領隊莫連奴暫時成功吊命,但長遠要保住帥位,仍需努力呀!

上半場以紐卡素形勢較佳,開賽10分鐘內就先後憑羅拔堅尼地同武藤嘉紀喺禁區內射入,拉開紀錄到2比0。之後曼聯唔係冇追平機會,只可惜尼曼查馬迪同拉舒福特嘅頭槌分別頂得太正被沒收同貼柱出界。上半場中段,武藤嘉紀仲有次門前頭槌,僅被「紅魔鬼」門將迪基亞救出。完半場前,曼聯有保羅普巴禁區邊左腳熨射,軟弱無力被沒收,半場曼聯落後2蛋。

曼聯半場換入費蘭尼,企圖狂轟紐卡素。51分鐘,保羅普巴禁區邊勁射被紐卡素門將杜巴夫卡擋出,尼曼查馬迪第一時間面對空門補射,竟然離奇射高。之後曼聯一直積極進攻,直到70分鐘,曼聯憑桑馬達禁區邊射入靚罰球,追成1比2較接近紀錄。4分鐘後,曼聯再有費蘭尼禁區邊勁射被救,然後又有基斯史摩寧接應角球門前撞射,竟又再次畀今場表現神勇嘅杜巴夫卡救出。

「紅魔鬼」嘅努力,去到76分鐘終於有回報,安東尼馬迪爾同保羅普巴左路一次合作,前者殺入禁區勁射破網,追成2比2平手。1分鐘後,紐卡素中場迪亞美接應角球頭槌攻門,頂中費蘭尼直飛龍門,好彩曼聯仲有盧卡古及時護空門解圍。

大難不死嘅「紅魔鬼」,去到90分鐘有阿歷斯山齊士大打爭氣波,頂入反勝紐卡素3比2,終為球隊鎖定勝局,為「魔迷」帶來今季最精彩一勝!

東網體育同你追實體壇每個精彩時刻! 

https://goo.gl/ewVpvE 


來源 source: http://hk.on.cc
鍾意就快D Share啦!