熱爆娛樂: 【曾戀名媛趙金卿】當年嘅展昭 46歲甄志強結束上海生意返港派飯 _

2018年10月11日星期四

【曾戀名媛趙金卿】當年嘅展昭 46歲甄志強結束上海生意返港派飯 __,趙金卿,

甄志強（小強）、麥翠嫻、雪梨與楊玉梅等一眾昔日亞視藝人，今日去到葵涌，為明年初公演音樂劇《難兄難弟》拍攝宣傳海報，身兼監製、編劇及演員嘅小強非常感激一班演員老友二話不說就答應支持，今次聯同一間芭蕾舞學校合作，將會有近二百位小朋友參與，小強覺得現今小朋友只鍾意打機同上網，希望藉類似演出機會，令小朋友接觸不同活動。今次門票部份收益撥捐「香港健障護康會」。

之前喺上海生活咗一段日子，講到今次監製音樂劇咪多咗時間留喺香港，小強話：「上海嘅生意，因為某啲原因，已經結束晒，所以依家就返嚟香港。」返港後，佢發現香港好大轉變，好多人需要幫助同關心，閒時佢都會到深水埗派飯，見佢咁關心小朋友，問到是否已經榮升為爸爸？佢笑笑口話：「我都想做爹哋。」

小強話依家有拍拖，咁同女友有冇共識想生小朋友？佢話：「我年紀過咗嗰個時間，要養一個小朋友都好幸苦。」

攝影：林賓尼	2000年《世紀之戰》王薇、甄志強	 認得幾多個？金興賢、甄志強、杜挺豪同黃璦瑤，攝於2000年。當時甄志強慶祝考到哥爾夫球教練牌。（資料圖片）
 講起甄志強，豈能遺忘佢嘅哥爾夫球啟蒙老師兼「緋聞女友」——趙金卿？（資料圖片）	 03年，已轉投無綫嘅小強，同郭可盈合拍劇集《青出於藍》。（資料圖片）	 同趙金卿一段緋聞仍然像霧又像花之際，小強被本報發現佢同富家女Carman拍拖拖，有次仲將架平治泊喺路邊等工人補胎，小強咬住支煙不停撥髮，女友就整絲巾扮靚靚，成個畫面就好似拍緊劇咁。（資料圖片）
 小強另一經典角色——展昭（電視截圖）	 小強、麥翠嫻、雪梨與楊玉梅等一眾昔日亞視藝人，今日去到葵涌，為明年初公演音樂劇《難兄難弟》拍攝宣傳海報。	 身兼監製、編劇及演員嘅小強非常感激一班演員老友二話不說就答應支持。
	 雪梨同楊玉梅