江美儀吳君祥分手驚變「離婚」！
現年47歲的江美儀與吳君如胞弟吳君祥拍拖11年，最終分手收場！兩人由多年前屢傳婚訊，到近年屢傳分手，惟當事人均沒有回應，直至昨日終承認已分手兩年，但關係依然很好，不涉及第三者！不過，吳君祥爸爸冬叔對兒子分手感愕然，更驚爆兩人2006年在西雅圖註冊結婚！
藝人江美儀於2005年與吳君祥拍拖，兩人一直表現恩愛，惟近年吳君祥到內地發展，江美儀經常形單影隻，上月20日47歲生日，亦只是跟朋友和家人共度，未見男友蹤影，令分手之說甚囂塵上，但當事人一直未有正面回應。直至昨日，江美儀與吳君祥終開腔承認已分手兩年，11年情告終！
消息一出，不少人都戥他們可惜，一向疼錫江美儀的吳君祥父親夏春秋（冬叔）亦指對兩人分手感愕然，更驚爆兩人曾註冊結婚：「我都係早一、兩個月先知，好可惜，最近一次見面係今年年初，美儀爸爸生日飯敍時見過。佢哋2006年喺西雅圖結婚，分開咗好可惜，美儀好好，一向對我哋都好有心。」
「應該開始有人追」
對於冬叔突然爆料指已婚，江美儀回應說：「吓？結婚？冇喎！佢係咪記錯呀！」江美儀情路頗不順，與第一位男友拍拖11年分手；第二位男友是粵語片天王張瑛兒子張煒，兩人相戀五年，曾一度傳婚訊，可惜分手收場。對於今次與年長4歲的吳君祥分手，她說：「一切隨緣！」認為目前是宣布回復單身的最好時間。至於分手兩年才公開，是擔心事件帶來負面影響，對家人不好，她強調與吳君祥和其家人保持良好關係。
談及分手原因，她透露是目標出現分歧，不過再見亦是朋友，分手後仍有相約食飯，對方的家庭聚會亦會出席。問到有否追求者？她說：「冇，今日應該開始有，哈哈！」
否認有第三者
身在內地的吳君祥對結婚一事澄清說：「爸爸搞錯咗喇，冇呢件事。」問到分手原因，他說：「我同美儀相處一直非常好，完全冇問題，但緣分嘅嘢真係好奇妙，突然間緣分完咗就完咗，冇乜特別原因。（係咪有第三者？）絕對冇，依家分咗手兩年，我都仲係單身。（會唔會覺得一直冇結婚係致命傷？）唔會，一張婚書唔代表乜嘢，亦唔會用小朋友綁住對方，我哋都鍾意自由。（會唔會好可惜？）一定有，始終11年感情。」
他直言現在跟美儀的關係依然是「家人」：「我哋都Keep住有聯絡，依然共同擁有一間公司，同埋佢都係我旗下嘅藝人，大家關係除咗情侶之外，根本全部冇變！（屋企人知道你哋分手，有咩反應？）爸爸好豁達，佢唔會理太多，同我媽咪、家姐一樣，只要我開心就得，我任何決定佢哋都會支持！」
|
鍾意就快D Share啦！
|
|
|
