掃呢頁CODE去手機

2018年10月6日 星期六

【楊明自認Old seafood】韋家雄娶銀行之花 咀足30秒任影 __,楊明,韋家雄,

攝影:黃曉程、朱志聰
恭喜恭喜!雄仔做人夫喇!今日一大早,53歲韋家雄就帶埋兄弟團,去太子一間酒店迎娶「銀行之花」、細佢近20年嘅女友鄧楚雅(Keynes),恭喜恭喜!自爆 ...


恭喜恭喜!雄仔做人夫喇!今日一大早,53歲韋家雄就帶埋兄弟團,去太子一間酒店迎娶「銀行之花」、細佢近20年嘅女友鄧楚雅(Keynes),恭喜恭喜!



自爆噚晚緊張到瞓唔著嘅韋家雄,心情緊張呀,噚晚已經成晚瞓唔著。一對新人身穿中式裙褂,早上十一點半落樓接受傳媒訪問,新娘子當然都一齊啦。兩人仲好合作,「自動波」錫足三十秒俾大家影。新娘子一身金器,目測起碼四、五對龍鳳鈪,一派喜氣。



韋家雄話自己噚晚瞓唔到,新娘子都係,佢話:「我都係好緊張!」點知韋家雄突然搭嘴:「不過依家終於接咗新娘落嚟喇,我好開心好興奮!所有需要嘅傳統儀式都做足喇。」至於接新娘嗰關,韋家雄形容係「跳下舞、Fing下波,食下wasabi咁」,都唔太難喎。愛的宣言真係三字經?韋家雄話:「我好認真咁講I love you。」



問新娘子Keynes滿唔滿意呢個老公呢?佢輕聲說:「滿意。」俾幾分?「110分!」韋家雄又搭嘴:「嘩!唔使咁多,我俾番10分你啦,大家滿分,100分」兩人又話婚後打算去泰國台灣度蜜月,依家已經放緊假,一直放到本月底。



韋家雄就梗係開心啦,但佢兄弟就……你唔信,問楊明。



楊明話,呢排真係好多人結婚,又有好多人搵佢做兄弟,佢仲自嘲做兄弟做到變「老屎忽」,頭先喺樓上都係應下景食下wasabi咁,同班兄弟手執花球跳大媽舞:「主要都係氹下老人家開心,老人家仲要求我哋跳足兩分鐘。我哋平時台慶跳十秒都要綵排兩星期」佢又話成日俾人催婚,但女友莊思明反而就冇催佢囉。



攝影:黃曉程、朱志聰 雄仔做人夫喇! 雄仔做人夫喇!
接新娘嗰關,韋家雄形容係「跳下舞、Fing下波,食下wasabi咁」

接新娘嗰關,韋家雄形容係「跳下舞、Fing下波,食下wasabi咁」
53歲韋家雄迎娶「銀行之花」、細佢近20年嘅女友鄧楚雅(Keynes)

53歲韋家雄迎娶「銀行之花」、細佢近20年嘅女友鄧楚雅(Keynes)
韋家雄話自己噚晚瞓唔到,新娘子都係

韋家雄話自己噚晚瞓唔到,新娘子都係
楊明自嘲做兄弟做到變「老屎忽」

楊明自嘲做兄弟做到變「老屎忽」
問新娘子Keynes滿唔滿意呢個老公呢?佢輕聲說:「滿意。」

問新娘子Keynes滿唔滿意呢個老公呢?佢輕聲說:「滿意。」
愛的宣言真係三字經?韋家雄話:「我好認真咁講I love you。」

愛的宣言真係三字經?韋家雄話:「我好認真咁講I love you。」

鍾意就快D Share啦!