【巴黎專訪】佘詩曼演古裝劇，其實不算甚麼新鮮事，過去不少她有份演出的劇集，都是話題與焦點，但相隔十四年才看到她再拍清裝劇，難免有一種久違了的感覺。早前熱播的內地清裝宮廷劇《延禧攻略》，連帶劇中飾演「嫻妃」的阿佘也爆紅，「奸到出汁」的她，演技備受讚賞，阿佘則形容是一次有趣經驗，「可以用對眼殺死人其實好正！」
撰文：陳蔚渝
攝影：周樂恒
服裝提供 : Shiatzy Chen
化妝 : Katherine Lo
髮型 : Lorraine Lam
場地提供：The Peninsula Paris
宮廷劇《延禧攻略》的「嫻妃 」佘詩曼，由前期的溫婉可人，演到後期的心狠手辣。挑戰奸角，阿佘早前在巴黎受訪分享在準備劇本、角色時，其實與以往無異，演繹反差之大極到位，大概只能說演技真的是經過年月、經驗累積而來。
| | |
拍劇戀愛
阿佘說自己以往也愛留意別人演繹奸角，而且更常常幻想如果有天角色落在自己手上，要怎樣拿揑和處理，「只係我一路都未遇到可以試嘅角色，今次係好好嘅機會，可以運用番多年嚟自己幻想嘅方法去做。」阿佘又將電視劇形容為與觀眾的一場戀愛，「電視劇可以畀你慢慢投入角色，觀眾融入你嘅角色，係一、兩個月，甚至三個月，好似拍咗好耐拖咁；電影就濃縮好多，所以演繹方面，自己都仲揣摩緊，但兩樣我都鍾意。」
嘗過奸角過足癮後，阿佘透露希望下次想挑戰喜劇角色，「喜劇其實好難，要好嘅劇本、好嘅對手，自己timing又要捉得好，喜劇拍嘅時候開心，觀眾睇嘅時候又要開心，好想試吓自己得唔得。」不過或者是與觀眾永遠都隔着螢幕和公仔箱的關係，阿佘大呻最想挑戰的，其實是舞台劇，「我好想演舞台劇！一直都物色緊劇本同啱我嘅角色，好想feel吓現場觀眾反應嘅感覺，因為永遠都好遠，好想真係試吓近距離嘅交流。」
愛情來臨
《延禧》中阿佘對另一半癡心一片，現實中的她43歲仍然單身，但卻活得充實自在，更笑說：「遇到鍾意嘅人，當然要癡心我都幾死心塌地㗎，但當然要我好鍾意嗰個人」可以為愛癡心，但說自己絕對不是愛情至上的人，「大家都知我一定唔係，可能唔同階段有唔同追求，以前當然係想做嘢，嘗試唔同角色，𠵱家我希望唔好急，放慢嚟享受工作同生活，繼而等到愛情嚟嘅時候，我相信我嗰個嚟緊㗎喇。」在單親家庭長大的阿佘，最希望將來的Mr. Right能夠給她安全感。
年輕十歲
43歲的佘詩曼被不少網民形容為「凍齡女神」，訪問期間目測膚質比真實年齡至少年輕10歲，她分享保養心得，「Keep住做嘢好緊要，唔好畀自己停，一停好易drop，無論體重、皮膚狀態。勤力敷mask，我一日兩次，早晚一次。」阿佘說只要你對身體好，身體自然會給你回報。
更多精采時尚內容，盡在 http://add.appledaily.com 。
|
鍾意就快D Share啦！
|
|
|
