熱爆娛樂: 【三家姐出嫁】幫心穎拎手袋馬國明提婚期「哈哈哈哈哈」 _

2018年10月22日星期一

【三家姐出嫁】幫心穎拎手袋馬國明提婚期「哈哈哈哈哈」 __,馬國明,黃心穎,

(新增內容)

29歲嘅黃心穎與馬國明拍拖超過兩年，由了解中進化到了解咗，日前《蘋果》讀者李小姐提供咗一張心穎同馬明喺澳洲墨爾本街頭嘅合照，透露前日(20號)當地時間下午二時左右，見到一身牛仔look嘅馬明一個人揹住兩個袋，其中一個袋就應該係幫心穎BB拎嘅，真係又man又細心。

讀者李小姐話﹕「同行仲有一位中年女士，佢哋又冇咩親熱行為，都係各有各行，周圍望咗一陣就走咗。」馬國明今日接受傳媒訪問時就大方話唔介意幫女士們拎手袋，而黃家就剩番心穎未婚，問到幾時娶心穎？馬明話﹕「未有耐....(笑到喊emoji X 5)」。

原來今日係心穎嘅三家姐黃心慧結婚之喜，一家人齊齊飛到澳洲先玩咗幾日，再出席婚宴。心穎昨日喺ig留言﹕「我親愛的三家姐明天要出嫁喇。。。莫名其妙有d緊張。」大家姐心美今日亦喺ig story貼上一門五美，四姊妹加埋媽咪嘅合照，心美話﹕「噚晚我細妹上頭，我啲眼淚不自覺係咁流。」今早仲有接新娘儀式，見心美穿上吊帶裙，拎住兩封「黃」家利是話﹕「我已經準備好細妹同妹夫斟茶俾我喇。」佢哋仲預備咗wasabi牙膏，新郎哥同兄弟們真係有排受。

心美同心穎在香港時間四時許，亦有上載一對新人嘅婚紗相，心穎仲做姊妹，幫家姐拎裙尾，陪住家姐出嫁。

精選娛聞，喺晒《娛果》 http://fb.com/appledailyent

心穎嘅三家姐黃心慧今日出嫁，馬國明都有陪女友去墨爾本。(ig圖片/讀者提供)	心穎做姊妹(ig圖片)	 心穎嘅三家姐同老公(ig圖片)
 一對新人(ig圖片)	 (ig圖片)	 馬國明唔介意幫女朋友拎手袋。(讀者提供)
 四姊妹(左上起)心穎、心妙、心美、黃媽媽，同埋下面着住紅衫嘅新娘子心慧。(ig圖片)	 婚前一晚，幾姊妹開懷暢飲。 (ig圖片)	 心穎都有祝賀三家姐，話唔知點解會咁緊張。 (ig圖片)
 預備好利是(ig圖片)	 wasabi牙膏(ig圖片)	 連工人姐姐都有份出席。 (ig圖片)
 一家人感情超好，小朋友生日都要開心切蛋糕。經常(ig圖片)	 二家姐黃心妙嘅一家五口。(ig圖片)	 心美仲有喺墨爾本玩袋鼠。 (ig圖片)