2018年10月5日 星期五

【小范,你適可而止!】傳范冰冰「靠關係」圖脫身 遭有力人士勸止 __,冰冰,范冰冰,李冰冰,

大陸著名博客、真身係《經濟觀察報》駐上海記者嘅「辣筆小球」,噚晚喺微博發文,聲稱內容是范冰冰被捕細節。文中指,范冰冰正在江蘇南京德基廣場20樓普慈堂, ...


大陸著名博客、真身係《經濟觀察報》駐上海記者嘅「辣筆小球」,噚晚喺微博發文,聲稱內容是范冰冰被捕細節。文中指,范冰冰正在江蘇南京德基廣場20樓普慈堂,俾一位叫做「小神仙」嘅算命師算命,遭公安突襲逮捕。當時范冰冰被戴上頭套,直接帶往停車場。為求行動保密,故大樓CCTV亦被公安取走。「辣筆小球」仲話,范冰冰係花咗200萬人民幣問前程。(新聞連結:  https://bit.ly/2RqKCg4  )



呢123日以來,關於范冰冰行蹤,到底係被捕、被幽禁,被幽禁在家還是賓館,去咗美國還是在牢中受苦,幾乎隔日就有一個新版本。「辣筆小球」呢個,算係比較詳盡嘅一個版本。



台灣傳媒東森新聞今日都出咗一個版本,稱引述消息人士透露,案件剛爆發時,范冰冰經理人穆曉光決定一力承擔所有責任,而范冰冰四出奔走,希望透過各種關係,去解決問題。但因為崔永元揭露呢單「陰陽合同」牽連甚廣,官方無法低調處理,故下令徹查。



報道續指,范冰冰估量過處境,越睇越唔對路,於是動用一切資源「找關係」,甚至搵到某位「有力人士」,希望對方出手拯救。但官方既已「定調」,「有力人士」勸退范冰冰:「小范,你適可而止。」



如今范冰冰已「報平安」,但僅限於微博現身,真人仍不知在何方。東森派記者今日到范冰冰位於北京東二環嘅工作室,重門深鎖,明顯已丟空多時。記者稱一開始進入大樓時未有受保安阻撓,直達工作室樓層後,唔使兩分鐘,後樓梯衝出兩名保安阻止記者拍攝……都幾得人驚。



保安稱,工作室目前禁止任何人員進入。對於所有問題,保安僅稱「無可奉告」,之後便要求記者離開現場。



報道又指,范冰冰「失蹤」嘅呢段時間,人在北京南二環半步橋街嘅社區大樓內,而非其寓所。東森記者到現場視察,社區門口有兩名保安守衛,周圍則被高牆包圍著,佈滿閉路電視,守衛森嚴,且該處仲係「北京市公安局刑事偵查總隊接待處」,鄰近北京西城區人民法院,范冰冰被「安置」於此亦不足為奇。問題係依家人在何方?




鍾意就快D Share啦!
Related Posts Plugin for WordPress, Blogger...