最近捱到病的藝人不只陳貝兒，還有袁偉豪，他因急性腸胃炎，周一缺席內地的廣場活動，結果在微博拍了一段51秒短片親口道歉。病癒的袁偉豪昨日到澳門出席活動，他表示已經康復，問到當日在短片再三道歉，是否擔心失約打爛飯碗？他說：「其實呢個係專業，為自己負番責任，我都有評估過，肚又唔舒服，萬一遇上塞車，都未必處理到件事。𠵱家同嗰邊傾緊，安排另一次嘅活動，雖然大家都冇損失，不過都覺得唔好意思，因為病就唔去人哋嘅活動，所以拍咗條片畀大家知狀況，希望大家明白。」
袁偉豪下周將與女友張寶兒去日本旅行，同行還有袁媽媽和親友，問到會否順道求婚？袁偉豪說：「未有呢個計劃住，唔好令大家誤會，唔係屋企人會以為係真，當係去視察吓環境先。」此外，張寶兒在將軍澳出席活動亦表示與男友有共識，以事業為重。
採訪、攝影：曾小嘉
來源 source: http://hk.entertainment.appledaily.com
|
鍾意就快D Share啦！
|
|
|
