今次真係正式破冰喇，網友感動到呢～～～
歌手容祖兒在2012年承認與劉浩龍拍拖，當時愛得轟烈戀得高調，二人好友兼劉浩龍前女友何韻詩卻表現激動，當時何韻詩公開拒絕向二人送上祝福，又取消關注「龍兒」的社交網，三人關係僵持，即使2015年何韻詩與祖兒在社交網重新互相關注，但仍鮮有交流……
直到尋晚（4日），何韻詩同容祖兒終於破冰！二人好友黃耀明最近喺日本開騷，得多位圈中好友赴日支持，當然要喺社交網晒出大合照以答謝好友，而合照中就見到有何韻詩、容祖兒及楊千嬅現身，難得何韻詩同容祖兒「不和」傳足6年之久，今次因為黃耀明而合體，雖然一個企前一個企後，但係呢張合照力證二人終破冰，仲可以柴娃娃喺日本街頭影相，二人亦笑容十足，有咩恩恩怨怨都解開晒而見到二人「和好」聚首，最開心更加係二人嘅支持者，紛紛留言大讚，搞到何韻詩都回覆叫網友們冷靜啲。
而其實鏡頭背後，劉浩龍都有陪住女友祖兒去日本力撐黃耀明，不過今次佢低調冇出鏡，唔知張合照會唔會係佢揸機嘅呢？如果係，就真係「皆大歡喜」喇～～
來源 source: http://hk.on.cc
|
鍾意就快D Share啦！
|
|
|
