2018年11月20日 星期二

【物有相似啫】台慶戰衣驚現淘寶?馮盈盈懶理:突破框框再出發 __,淘寶,馮盈盈,

經常語出驚人嘅前港姐冠軍馮盈盈,噚晚佢着住嗰條吊帶低胸兼兩邊側身玩全透視嘅露背長裙,喺台慶夜真係艷壓全場,之後佢仲話:「裙係透視,我坦白承認冇着內褲, ...


經常語出驚人嘅前港姐冠軍馮盈盈,噚晚佢着住嗰條吊帶低胸兼兩邊側身玩全透視嘅露背長裙,喺台慶夜真係艷壓全場,之後佢仲話:「裙係透視,我坦白承認冇着內褲,因為要穿出流線型嘅美態,今次豁出去,不過唔知點做保護措施防走光!」



雖然馮盈盈呢條裙係出自名家手筆,而且仲有好多人爭,不過有網民發現喺乜都有得買嘅淘寶網裡面,竟然有一條有八成相似嘅裙款出現,最搞笑嘅地方,就係喺簡介裡面,寫住:「性感晚裝禮服夜場服女裝長款連身裙2018新款」,價錢亦相當經濟,由人仔120-168蚊不等。



話晒馮盈盈一向功力深厚,就算人哋點講,都似乎影響唔到佢嘅心情,喺完騷之後,佢喺網上留言話:「很榮幸今年能參與司儀和表演項目,因此想以一個新鮮突破的造型來祝賀,也想挑戰自己,突破框框再出發,感激我的團隊願意陪我一起瘋狂,一個月前已經要揀好裙子,因為要空運過來,這段日子就不停做運動和節食。」佢仲感激團隊為佢加操都唔計較:「多得你們每位為我今晚造型絞盡腦汁,費盡心力,才能讓我美美的,自信滿滿的走上台,我很喜歡出來的成果,There is nothing more I could ask for。」



最後佢又話:「#台慶#tvb50加1再出發#我都突破框框再出發先#新造型#新嘗試#唔試新嘢#我唔悶你都悶啦 #GoBigorGoHome#下咗苦功先着得落條裙#終於可以食大餐喇!」



Google Play 2018 年度最受歡迎應用程式,請即點擊 http://bit.ly/2FCthz5 投《蘋果動新聞》一票



精選娛聞,喺晒《娛果》

http://fb.com/appledailyent





馮盈盈話要試新嘢! 馮盈盈話要試新嘢!
(網上截圖)

(網上截圖)

鍾意就快D Share啦!
Related Posts Plugin for WordPress, Blogger...