2018年11月20日 星期二

馬國明:馬國明例牌陪跑 網友封民間視帝 __,馬國明,

馬國明雖然一直未拎過視帝獎,但一早已經係「民間視帝」。無綫藝人馬國明一向深得民心又有觀眾緣,仲被網民封為「民間視帝」,可惜多來年一直未圓視帝夢,無論係 ...


馬國明雖然一直未拎過視帝獎,但一早已經係「民間視帝」。


無綫藝人馬國明一向深得民心又有觀眾緣,仲被網民封為「民間視帝」,可惜多來年一直未圓視帝夢,無論係《萬千星輝頒獎典禮》、《TVB馬來西亞星光薈萃頒獎典禮》定《星和無綫電視大獎》,年年都係陪跑…佢入行19年、演技有目共睹,雖然無緣做視帝,但依然默默耕耘,從未出聲呻苦。不過有大批網民戥馬國明唔抵,齊齊為佢平反、力撐佢應該奪獎!仲有人話馬國明似足周柏豪首歌咁:「從來沒我份,犧牲當做例行,我慣了傷心…」雖然拎唔到視帝,但就拎咗好幾次「最受歡迎電視男角色」獎,足以證明馬國明備受認可。

馬國明自2015年起年年都有份入圍爭視帝,2015年憑劇集《梟雄》入圍、2016年憑住《為食神探》又入圍、2017年憑大熱劇集《降魔的》再度入圍,直到今年、唔好提喇…年年睇住其他人攞獎,連馬國明都控制唔住自己嘅表情,更曾被觀眾Cap低其天然呆樣,成為網絡瘋傳嘅表情包。不過馬國明近年心態愈嚟愈成熟,已經可以坦然面對自己「馬拉松選手」嘅身份、大方拍手慶祝。

女友黃心穎今日出活動時,都開聲撐男友,佢話:「演技唔係用獎項去衡量。(網友笑全台同事夾埋玩馬國明喎!)唔會獎項好難預計嘅。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...