掃呢頁CODE去手機

2018年11月26日 星期一

阿倫以為係四哥梁家輝扭Rock 阿B騷瘋狂 __,張家輝,梁家輝,謝賢,譚詠麟,鍾鎮濤,阿B,阿倫,四哥,

阿B(左)前晚開騷,好友梁家輝黐上假鬚,扮成Queen主唱Freddie Mercury做嘉賓。
阿B(左)前晚開騷,好友梁家輝黐上假鬚,扮成Queen主唱FreddieMercury做嘉賓。鍾鎮濤(阿B)一連兩場紅館個唱「故事繼續演唱會」昨晚圓滿 ...


鍾鎮濤(阿B)一連兩場紅館個唱「故事繼續演唱會」昨晚圓滿結束,前晚頭場除了溫拿兄弟譚詠麟(阿倫)、彭健新、陳友及葉智強做嘉賓外,還有梁家輝。家輝身穿白色小背心,扮經典搖滾樂隊Queen主音Freddie Mercury,邊rock邊扭跳舞。阿倫見到家輝時,更笑說:「我仲以為係四哥,霆鋒接班人。」

鍾鎮濤相隔十年再踏紅館開個人演唱會,前晚舉行首場。甫開場,阿B以一身黑禮服高帽現身,唱出《一段情》及《無限旅程》等歌曲,他跟觀眾打招呼說:「上次喺度開騷已經係十年前,好感恩一直有好多朋友、家人同大家支持我。」



獲小鳳姐打氣

阿B又在台上表示出街經常遇到藝人好友,有一次經歷令他難忘:「喺經歷人生低潮時,我出街鍾意聽住歌,有一日我喺街聽住一首我好鍾意嘅女歌手作品,突然間有人拍我膊頭,轉身一望就係嗰位女歌手,佢同我講『阿B唔使灰心,人生係要經歷高低先有意義,加油。』」該名女歌手就是徐小鳳,阿B隨即唱出小鳳姐的《隨想曲》向她致敬。



Freddie於85年在Live Aid演唱會上的經典造型,成為梁家輝的copy對象。 Freddie於85年在Live Aid演唱會上的經典造型,成為梁家輝的copy對象。
阿B唱到興起,走到台下與觀眾握手。

阿B唱到興起,走到台下與觀眾握手。
Sammi與阿B剛在電影演父女,她笑說對方似男友多過爸爸。

Sammi與阿B剛在電影演父女,她笑說對方似男友多過爸爸。

中段快歌環節,阿B走落觀眾席握手,與關之琳等嘉賓逐一擁抱,然後再邀請鄭秀文(Sammi)上台。阿B剛與Sammi在電影中合作,在片中要化老妝飾演Sammi爸爸,旁邊的Sammi就搞笑說:「你似我條仔多過似我爸爸。」



全晚的高潮位就是好友梁家輝,穿上白色牛仔褲白背心並黐上假鬚,扮英國樂隊Queen已故主音Freddie Mercury於85年在Live Aid上演出的經典造型,阿B對家輝的造型讚嘆不已,更叫家輝為「Tony Mercury」,兩人即合唱Queen的經典歌曲《We Will Rock You》,無論動作及神髓,家輝都跟足Freddie Mercury,令全場熱爆,阿B更嗌觀眾站起來一齊high。



之後溫拿四位成員阿倫、彭健新、陳友和葉智強現身,當阿倫見到家輝時,即笑說:「我仲以為係四哥,霆鋒接班人。」家輝也留在台上與溫拿合唱《L.O.V.E》,然後溫拿唱過《Sha La La》後,阿B以代表作《讓一切隨風》,為個唱畫上句號。



關之琳(右)與好友金燕玲一同睇騷。

關之琳(右)與好友金燕玲一同睇騷。
邱淑貞孖老公沈嘉偉支持好友阿B開演唱會。

邱淑貞孖老公沈嘉偉支持好友阿B開演唱會。
溫拿兄弟(左二起)彭健新、葉智強、陳友與阿倫一齊現身撐阿B。

溫拿兄弟(左二起)彭健新、葉智強、陳友與阿倫一齊現身撐阿B。

睇電影受啟發

阿B完騷後受訪,他感謝一班好友捧場,尤其是梁家輝:「自己之前睇完一套關於Queen嘅電影,所以有呢個諗法,點知家輝一口答應。」講到家輝喺台上玩得好開心,B哥笑言:「係呀,佢係動作派我係實力派。」

採訪:曹家誠

攝影:仇志德




鍾意就快D Share啦!