阿嬌鐘欣潼同未婚夫賴弘國齊齊學習預演父母嘅國內節目《爸媽學前班》噚日（29日）播到第八集。節目出街以嚟，阿嬌同賴弘國經常喺節目大晒恩愛，搞到網民大叫sweet到差啲糖尿病，今集佢哋繼續放閃。
喺今集嘅課程入面，教育專家叫嘉賓根據對人生遺憾嘅思考，向另一伴表達想要作出嘅承諾。賴弘國對阿嬌坦言：「我沒有聽過Twins的歌。」阿嬌聽到後即刻扮嬲，賴弘國就真情告白：「你卸下光環後，我還會是一直支持你的小粉絲。」係冧嘅。之後阿嬌亦坦露自己心聲，「感謝節目中所有人的分享，是你們令我自己更加了解婚姻生活，帶給自己更多的思考。」賴弘國也表示：「我們對以後的日子更有信心。」
拍攝節目當日正值感恩節，寫感恩卡時，阿嬌感恩身邊出現嘅每一個人，「感謝人生中遇到了父母，遇到了阿Sa，遇到賴弘國。你們的出現讓自己反思人生的許多道理，遇到了更好的自己。」
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|
