Celine 妺妹打晒「喊露」咁，真係陰公豬梗係一早又要返學，放學撲住入機場，趕住去新加坡開工。唔夠廿四粒鐘，又要飛返香港！真係睇見都戥佢頻撲！無計得11歲人仔，已經衝出國際，家陣Celine仲要企硬廿萬騷價，錢途無可限量，真係一家大細都靠晒你
好似上個禮拜，Celine 又接到個job ，要飛新加坡一日開工，有錢搵，Dr Steve 又點會放過吖！呢晩佢就湊住個女，黎到機場check in ，同行仲有經理人。睇下Celine 打晒「喊露」，似乎好攰咁喎！
其實睇返Celine 就讀嘅國際學校校暦表，佢第二日都仲要返學，咁樣一來一回，即係Celine 又要向學校請假呢晚佢地坐夜晚八點機出發，唔夠廿四個鐘，第二日嘅六點又再上機返香港，相隔唔夠廿四個鐘，對一個11 歳嘅小朋友黎講，都咪話唔辛苦！不過好彩Celine 夠生性，一啲怨言都冇，老豆都總算冇白費心機。
自從Celine 開始識搵錢，仲帶挈埋Dr Steve 嘅身家不停上漲，一家人仲愈住愈豪。短短七年，由北角600尺嘅舊居，再搬咗去離島愉景灣，之後再upgrade到西九君匯港千尺單位。上年一家四口仲成功登山，搬咗去柯士甸山道嘅低密度豪宅，一次過租相連單位，加埋過千呎，月租十萬起跳，夠晒豪呀！翻查資料，其實Dr Steve 早年嘅物業都唔算多，只有上環普頓臺一個價值三百萬嘅單位。不過自從Celine 三歳開始接job之後，Dr Steve 就聯同老婆密密買鏄頭。剩喺位於軒尼斯道嘅商廈單位，已經市值2600 萬，計下數，兩公婆而家手揸超過五千萬嘅資產架。
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|