掃呢頁CODE去手機

2018年12月5日 星期三

【八爺要求高】周秀娜慘被糟質接近死亡邊緣 鄭嘉穎演惡少︰真係會死人 __,八爺,周秀娜,袁和平,鄭嘉穎,

右圖攝影︰沈健程
鄭嘉穎和周秀娜先後合作過大陸劇《葉問》,近期又合作3部電影,包括新戲《葉問外傳︰張天志》,可說已有默契,今次戲中二人並非情侶關係,而是仇家。甚少演反派 ...


鄭嘉穎和周秀娜先後合作過大陸劇《葉問》,近期又合作3部電影,包括新戲《葉問外傳︰張天志》,可說已有默契,今次戲中二人並非情侶關係,而是仇家。甚少演反派的鄭嘉穎,今次在戲中演惡形惡相的惡少,對演酒吧女郎的娜姐,不單只沒有憐香惜玉,更拳打腳踢,其中一場戲,拍攝時差點令娜姐窒息,甚至接近死亡邊緣。角色又惡又打人,剛剛宣佈太太陳凱琳有喜的嘉穎,坦言不會禁止太太看,他說︰「畀佢睇,大家都係演員,(但太太大緊肚?)唔驚,細路有排先睇到。」



至於娜姐被嘉穎質食毒品的戲份,是她演戲以來最難忘、最深刻的一場戲,原來這場戲是臨場加插,嘉穎說︰「呢場戲原本冇,係八爺(袁和平)臨時加,原本娜姐係被肥仔東(何遠東)打,後來改由我質佢食毒品。雖然嗰啲係葡萄糖,我質晒入佢口鼻,仲要揞住佢口鼻,整到佢已經冇得呼吸,見佢個樣做得咁真,睇睇吓好似唔對路。」



娜姐直言有感接近死亡邊緣,她說︰「當時我真係唞唔到氣,因為啲葡萄糖入咗口會凝固,但係又冇水,卡住喉嚨好想咳,講唔到嘢好想吸啖氣,第一次拍戲,感覺到接近死嘅邊緣。」嘉穎對娜姐這場戲的演繹,有讚冇彈,「好欣賞佢,好敬業,你好叻女,唔係個個女演員做到,亦唔係個個承受得到,真係會死人。」娜姐聽後開心的說︰「我嘅進步空間,都好大。」



談到戲中主打詠春,張晉、楊紫瓊等個個都是真功夫,嘉穎坦言︰「拍呢套戲最期待係打戲,袁和平喎!今次真係親身體驗到,八爺係點樣拍,出嚟嘅效果係點,遺憾今次我係揸槍,希望下次打多啲。」而娜姐雖然只有捱打,但她穿插其中,身歷其境亦好震撼。



談起娜姐被嘉穎打的戲份,娜姐不禁說︰「係真打,八爺要求好高,所有嘢係真。」嘉穎接着說︰「摑就係,踢就唔係,踢係替身,唔係佢死咗,今日見唔到佢。」嘉穎表示掌摑娜姐那場戲,因為導演八爺要求高,一次比一次摑得入肉,最後一摑的聲浪,就連房外的工作人員都聽到,可想而知有幾大力,嘉穎說︰「打完佢我個心都慌一慌,驚佢有事,塊面都腫起要敷冰。」在旁的娜姐說︰「當時係有啲想喊,不過忍住。」



楊紫瓊(Michelle)演嘉穎家姐,提到兩人首次合作,嘉穎笑指為了想同對方交流,不斷找話題卻碰壁。嘉穎說︰「首日開工想同Michelle交流下,我係不擅於搵話題,但都同Michelle講吓。」此時嘉穎叫娜姐扮Michelle重演當時的情況,嘉穎說︰「Michelle你近排忙啲乜?」娜姐扮楊紫瓊說︰「冇咩忙,拍緊《Star Wars》。」嘉穎就說︰「《Star Wars》我都有睇。」



嘉穎表示自己有點不忿,所以再跟Michelle說︰「你係馬來西亞拿督,同香港MBE勳銜(大英帝國員佐勳章)有咩分別?Michelle就話︰『冇㗎!做生意方便啲,不過我又唔係做生意。』我又接唔到,跟住再問Michelle通常住邊,香港定馬來西亞?」此時,娜姐又再扮Michelle話︰「巴黎有時喺比利時或瑞士。」嘉穎接着說︰「巴黎都幾靚,我都有去過。之後我忍住唔講,我真係死心喇……」在旁的娜姐就說他︰「你都幾切合個角色,一路都唔忿氣。」說罷二人大笑一團。



採訪︰羅婉玲

攝錄︰陳俊強

化妝︰Circle Cheung of ndnco.co(周秀娜)/ Yannes(鄭嘉穎)

髮型︰Amber Tse of QUEEN'S PRIVATE i(周秀娜)/ Yannes(鄭嘉穎)

形象︰Ryan Nam(鄭嘉穎)

場地:Studio King 影樓王



【編輯推介】



【Captain Nancy開騷喇】後生卜卜脆多人追 家燕姐:做咗60年真係唔簡單

https://bit.ly/2UaVkbU



【關係良好】前夫邢李㷧與林青霞傳離婚 張天愛:點解個個都問我

https://bit.ly/2rlvfK4



【盡得老竇大劉真傳?】賣自製Slime賺錢行善 秀樺一手包辦製作宣傳

https://bit.ly/2zG3LDE



【不斷遭欺凌】Pete自爆與Ariana分手後曾想自殺

https://bit.ly/2Eeki5g



【韓流】秀英玩Ig直播 男友鄭京浩留言洗版隔空放閃

https://bit.ly/2Rukh0d



精選娛聞,喺晒《娛果》

http://fb.com/appledailyent



右圖攝影︰沈健程 鄭嘉穎和周秀娜已合作過4次,甚有默契。 鄭嘉穎和周秀娜已合作過4次,甚有默契。
戲中兩人是仇家,戲外兩人是歡喜冤家。

戲中兩人是仇家,戲外兩人是歡喜冤家。
嘉穎糟質娜姐時,掩住對方口鼻,令娜姐唞唔到氣。(劇照)

嘉穎糟質娜姐時,掩住對方口鼻,令娜姐唞唔到氣。(劇照)
拍這一幕,娜姐感覺接近死亡邊緣。(劇照)

拍這一幕,娜姐感覺接近死亡邊緣。(劇照)
鄭嘉穎出手真打,掌摑周秀娜。(劇照)

鄭嘉穎出手真打,掌摑周秀娜。(劇照)
娜姐體驗到拍武打片的震撼。

娜姐體驗到拍武打片的震撼。
鄭嘉穎坦言不會禁止陀B的太太陳凱琳看此片。

鄭嘉穎坦言不會禁止陀B的太太陳凱琳看此片。
鄭嘉穎和周秀娜首次跟導演「八爺」袁和平(左二)合作,旁為何遠東。

鄭嘉穎和周秀娜首次跟導演「八爺」袁和平(左二)合作,旁為何遠東。
鄭嘉穎笑指一次又一次找話題,跟楊紫瓊交流。(劇照)

鄭嘉穎笑指一次又一次找話題,跟楊紫瓊交流。(劇照)

鍾意就快D Share啦!