深水埗大南街169-171號大南商業大廈，中午1時44分，有街坊發現一名1歲多男童危站一樓一劏房單位的窗邊，而窗戶打開，並無窗花，男童似欲攀出窗外，非常驚險，嚇得途人膽顫心驚。警方接獲多個報案，消防員亦接報到場，男童仍危站窗邊，逾十名消防員圍在地面，並手持紅氈戒備，以防男童跌下，並一邊大叫及做手勢，著男童返入單位內。
讀者譚小姐當時剛行經現場，見到男童站在窗邊，「好危險呀，佢屋企好似冇人喝住佢，街坊報警，消防嚟到圍住，小朋友喺窗邊好好奇，見到消防車喺出面，佢好似想出嚟咁，消防員叫佢入番去，我好擔心佢出嚟呀，嗰度都好高㗎，跌落嚟一定會跌親。佢應該最多都係兩歲，冇窗花勁危險，消防擔梯，又大叫睇吓有冇人，好彩最後救番安全。」
警方表示，下午1時許，接獲街坊報案指一名14個月大男童危站窗邊，救援人員到場，男童40歲的葉姓母親開門，表示兒子只是用手掂窗玩，他並無受傷，毋須送院，案件最後列作誤會，無人被捕。
你敢爆，我敢獎！ 立即WhatsApp《蘋果》24小時爆相爆片熱線或致電：63836568::
| 1歲多男童危站沒窗花的窗邊,狀甚驚險。(讀者譚小姐提供) | | |
|
鍾意就快D Share啦！
|
|
|
