掃呢頁CODE去手機

2019年1月31日 星期四

劉青雲張家輝維園花市行大運 __,劉青雲,張家輝,

青雲帶領嘉欣及家輝殺入維園,被大批市民包圍。
劉青雲張家輝維園花市行大運影帝劉青雲、張家輝及影后林嘉欣昨日殺入維園花市力谷新戲,吸引大批市民圍觀,場面墟冚!對於今次電影題材嚴肅,三人都有信心可殺出 ...


劉青雲張家輝維園花市行大運

影帝劉青雲、張家輝及影后林嘉欣昨日殺入維園花市力谷新戲,吸引大批市民圍觀,場面墟冚!對於今次電影題材嚴肅,三人都有信心可殺出重圍,成為賀歲片票房之冠!

製作費逾二億港元的英皇賀歲電影《廉政風雲 煙幕》上映在即,三位主角近日落力宣傳,昨日更殺入維園年宵市場!起初市民見到有保安守候已相當好奇圍觀,以為是G4特工,及後驚見影帝影后駕到,即喜出望外紛紛尖叫及拍照。三人大受現場人士歡迎,並在保安開路下到花市行攤檔,又拿着應節公仔拍照,親民地與市民打招呼。

桃花太旺唔敢亂放?

問到三人有多久沒有行花市?青雲及家輝原來從未試過行維園年宵,青雲說:「我係九龍人,前幾年都會平時下晝靜雞雞同太太入去行吓,貪人少啲。(買啲咩?)都冇咩,細個會買玩具,嗰啲吹氣膠公仔,前幾年都有擺桃花,近年都冇擺。(因為桃花太旺令好多女仔埋身?)冇咁嘅事,係擺唔落。」而家輝表示十多歲的時候有行花市,笑言主力是食魚蛋、豬皮,至於嘉欣雖然曾住銅鑼灣,但都已十幾年沒有行花市。

十幾年冇行花市的嘉欣,難掩興奮。
  • 十幾年冇行花市的嘉欣,難掩興奮。
家輝(左)與嘉欣手持小豬公仔及揮春應節,相反青雲卻對卡通公仔甚感興趣。

  • 家輝(左)與嘉欣手持小豬公仔及揮春應節,相反青雲卻對卡通公仔甚感興趣。

講到《廉》片題材嚴肅懸疑,以貪污案做主題,幾位主角有多場大鬥演技的場面,演技紅星加海外靚景,與其他喜慶賀歲片截然不同,問有否信心殺出重圍?家輝說:「咁先正,有個性,有內涵,新年唔一定要搞笑,紅噹噹恭喜發財,呢啲係應節,但有一部正經戲都係好選擇。(入場支持其他賀歲片?)都會,邊部有飛就睇邊部。(喬裝去睇?)有可能,會同太太、阿女入場。」

林嘉欣帶囡囡睇戲

青雲亦表示會跟太太入場支持《廉》片,嘉欣說:「終於可帶兩個女入戲院,之前都冇試過,因為我啲戲太喊苦喊忽,驚佢哋心痛。」問有否信心成為今年賀歲片票房冠軍?家輝直言有信心:「咁辛苦拍套戲出嚟,冇理由未上就話輸,咁新年入場人次咁多,希望大家都好!」嘉欣及青雲亦對新片一樣信心十足,嘉欣說:「身為電影業一員,都希望幾部都收得好,老闆先繼續投資。」






鍾意就快D Share啦!