熱爆娛樂: 【忍唔到要爆喇】大馬踢友誼波鬧交收場李克勤認有互相問候：少不了【忍唔到要爆喇】大馬踢友誼波鬧交收場李克勤認有互相問候：少不了 _

2019年1月22日星期二

【忍唔到要爆喇】大馬踢友誼波鬧交收場李克勤認有互相問候：少不了【忍唔到要爆喇】大馬踢友誼波鬧交收場李克勤認有互相問候：少不了 __,李克勤,

李克勤一向熱愛足球，日前佢就同晨㬢B隊一齊去馬來西亞踢友誼波，老婆盧淑儀都有同行。不過，呢場波最後搞到克勤一肚氣，噚日仲喺Ig貼相貼文話「一點都不友誼」！

克勤噚日踢完波喺Ig連發兩個post，又喺Ig Story貼相，除咗一啲同隊友嘅合照，同埋喺波地上踢緊波嘅開心相，另一張相見佢膝頭受傷，仲有幾張相見克勤好勞氣，同人嘈交，表情已經話咗畀你知。

話說，克勤噚日喺馬來西亞默迪卡體育場踢波，其間佢同另一隊嘅球員有爭執，先同着16號球衣嘅球員起衝突，當時有人勸交，之後克勤又畀14號球衣嘅球員激到紮紮跳，對方仲踢中咗克勤膝頭。

雖然，克勤冇交代成件事始末，但佢嬲到爆就肯定喇，佢甚至嬲到將對方嘅正面相放上網，然後寫「就係呢條14號，我記得你。」由於克勤冇將呢個球員個樣打格，有網民認為克勤咁樣係網絡公審對方唔係咁好，但亦有唔少人撐克勤，叫克勤唔好嬲，瞓醒就冇事，而且仲有李太陪住佢，同樣係足球發燒友嘅梁漢文，亦有喺克勤個post留言：「嘈起上嚟添！」克勤即刻回應：「有問候...」梁漢文再抵死答：「哦，只係關心吓對方，友善嘅問候啫！」然後再加一個哈哈笑同手指公嘅emoji公仔。

另外，有網民睇到克勤同14號嘈交嘅相後留言話：「最後一張廣東話粗口教學！」克勤都有回應：「少不了...」

精選娛聞，喺晒《娛果》

http://fb.com/appledailyent

李克勤喺馬來西亞踢波，同另一隊球員嘈交。（網上圖片）	有網民叫克勤唔好嬲，但有人認為佢唔應該網絡公審。（網上圖片）	 克勤承認同14號球員有互相「問候」。（網上圖片）
 克勤將14號球員嘅相放咗去Ig Story。（網上圖片）	 同16號球員都好似有爭執，但就有人勸交。（網上圖片）	 克勤踢波好瞓身。（網上圖片）
 老婆盧淑儀都有同行。（網上圖片）	 梁漢文都有留言。（網上圖片）	 克勤話場友誼波好唔友誼。（網上圖片）
 膝頭受咗少少傷。（網上圖片）