2019年1月24日 星期四

英超Fever:【東體爭議】阿蘇返利物浦都係做後備咋 __,蘇施黃,阿蘇,

(GettyImages)巴塞隆拿前鋒蘇亞雷斯接受德國媒體《11FREUNDE》訪問時,大讚前度球會利物浦表現令人驚喜,又話任何球員都想同高普合作,暗 ...


(Getty Images)


巴塞隆拿前鋒蘇亞雷斯接受德國媒體《11FREUNDE》訪問時,大讚前度球會利物浦表現令人驚喜,又話任何球員都想同高普合作,暗示唔排除會重返紅軍效力。

蘇亞雷斯話:「利物浦踢出令人敬畏嘅足球,我真係好想知佢哋點樣可以做到,當然我現時效力緊另一支球隊,唔可以講太多,但我相信每位球員都想有機會喺高普麾下比賽。」

呢位32歲烏拉圭國腳曾效力利物浦4季,為紅軍捧過英聯盃冠軍,佢喺2013/14年球季英超更轟入31球,奪得神射手殊榮,但隨即由利物浦轉投巴塞隆拿,已協助「地上最強」贏盡西甲及歐聯等主要錦標。

不過,「阿蘇」今季表現麻麻,可能鳥倦知還,想返去利物浦,重溫昔日光輝歲月,尤其係紅軍今季有望首奪英超冠軍,蘇亞雷斯更加想參與其中。

問題係利物浦依家鋒線猛將如雲,「埃及文明」穆罕默德沙拿、沙迪奧文尼、羅拔圖法明奴,無堅不摧,仲需要蘇亞雷斯咩?就算佢真係重返晏菲路,恐怕都只能做後備。

支持本地運動員,一齊去「睇體」!

https://bit.ly/2DxX4XI 

東網體育FB同你追實體壇每個精彩時刻!

http://bit.ly/2ecTF2A 

Follow東網體育IG一齊撐本地運動員!

http://bit.ly/2EYxoRh 


來源 source: http://hk.on.cc
鍾意就快D Share啦!
Related Posts Plugin for WordPress, Blogger...