【努力箍煲】聖誕元旦撇下Mandy 洗米華同老婆陪家人去瑞士滑雪 __,Mandy,Mandy Lieu,周焯華,洗米華,

太陽娛樂老闆周焯華（洗米華）同老婆陳慧玲（Heidi）夫妻之間因名模MandyLieu介入，兩公婆幾乎要離婚，後來喺男方努力下，先至保住段婚姻，而上年 ...

太陽娛樂老闆周焯華（洗米華）同老婆陳慧玲（Heidi）夫妻之間因名模Mandy Lieu介入，兩公婆幾乎要離婚，後來喺男方努力下，先至保住段婚姻，而上年好明顯睇到洗米華同正室Heidi呢邊係多咗互動，反而同女友Mandy嗰邊低調咗好多，而且低調得有啲唔尋常，聽講之前出現洗米華同松岡李那嘅緋聞，對佢同Mandy感情都有一定衝擊。

去年下半年，好少網上見到Mandy同洗米華一齊互動照片，之前久唔久喺網上總會有兩人晒恩愛照片出嚟，但下半年好似冇見過，反而上年洗米嫂生日，老公洗米華送名貴珠寶又同佢搞生日宴，令老婆好冧，聖誕又留喺澳門同家人一齊過節，元旦又同老婆陪家人去咗瑞士滑雪，之前嗰兩年，聖誕同元旦呢啲日子洗米華晨早就飛去英國陪Mandy度過，連老爸生日宴都缺席，寧願陪Mandy，搞到洗米爸唔多高興，但上年唔知做乜咁少去嗰邊。噚日洗米仔周柏豪放咗一張同爸爸洗米華合照出嚟，見洗米華咬住枝花好有趣，相片係喺法國影嘅。而前日洗米嫂就擺咗同大細女喺瑞士滑雪相出嚟，聽講噚日洗米華一家已經由瑞士去咗法國玩。

精選娛聞，喺晒《娛果》

http://fb.com/appledailyent

【編輯推介】

【強調老娘冇臭狐】張雨綺否認與異性上床 斥前夫爭撫養權惡意抹黑

http://bit.ly/2VxFdWB

【名導涉性侵】撰千字文爆鈕承澤拍床戲只戴避孕套 柯奐如：覺得自己好髒

http://bit.ly/2C1WQET

【百萬行晒馬】MIRROR歌迷嗌不停 大台藝人被路人嘲：都唔識嘅

http://bit.ly/2RuJMSt

【金唱片頒獎禮】BTS奪大賞 掃四獎封大贏家

http://bit.ly/2QsuUzs

【韓流】朴順植今設靈 後日早上出殯

http://bit.ly/2VyqXNh

	洗米嫂同大女兒喺瑞士滑雪，兩母女感情相當好。（互聯網照片）	 （互聯網照片）
 洗米華同洗米嫂所生嘅細女好活潑可愛。（互聯網照片）	 女人都係比較心軟，洗米嫂已漸漸原諒老公嘅出軌行為，（互聯網照片）	 洗米嫂同囡囡滑完雪，準備乘吊車離開。（互聯網照片）
 平時好少見劇洗米華咬住枝花同個仔柏豪合照咁有趣。（互聯網照片）	 近大半年，冇見過洗米華同Mandy有任何互動。

來源 source: http://hk.entertainment.appledaily.com

鍾意就快D Share啦！

下一篇 》