2019年2月10日 星期日

鄭中基:表演欲強!鄭中基巡迴帶埋囡囡去做廉勞 __,鄭中基,

完成五場紅館騷「ONEMORETIME世界巡迴演唱會」的鄭中基(Ronald)於騷後設慶功宴,受訪時問及幾時拍《龍咁威3》?他預告將會於今年8月開拍、 ...


完成五場紅館騷「ONE MORE TIME世界巡迴演唱會」的鄭中基(Ronald)於騷後設慶功宴,受訪時問及幾時拍《龍咁威3》?他預告將會於今年8月開拍、2020年賀歲期上映,又大爆其實已有劇本,接下來要為角色減磅:「佢(谷德昭)想我瘦到成枝柴咁囉,真係難搞!依家隻腳都粗咗,佢話我對腳要嚟搵食。(又要着旗袍?)其實都唔一定要瘦,去健身室拍啲騙案都得。」他又透露會原班人馬開拍,當中會加入新血:「家英哥(羅家英)、憫情(由鄧麗欣飾演角色)都搵咗,但詳細要等導演谷德昭講。」

講到今次開騷聽到不少聲音指佢少唱自己歌,Ronald重申揀歌是有特定主題:「聽到話Medley部分短得濟,但今次係想唱之前未唱過嘅歌。」續表示「三代同堂」表演部分由大女Emma揀歌,當記者大讚囡囡全不怯場時,Ronald笑言:「我都唔明佢點解咁淡定,我都驚,佢真係唔驚!(介唔介意佢入行?)遲啲先讀完書先(但佢有興趣?)佢好有表演欲,每次上台之前就話緊張,但上到台就唔緊張。(訓練佢?)我就係唔想訓練佢,太細個唔想佢有壓力,由佢自己鍾意就當玩。」再爆女女無師自通,會在家中練歌,惟最後一場演出前食過糖搞到有少許聲沙,問到囡囡幾錢歌酬?他抵死笑話:「好慳㗎!每日一粒糖就好開心!預計下一站巡迴演出係喺美加,係暑假期間,佢放假都可以跟去。」

提起日前個唱第三場,邀請前《美女廚房》主持拍檔梁漢文(Edmond)及方力申擔任嘉賓,講到有意開拍《美男廚房》,期間Ronald的一句「唔一定要TVB嘅呢,依家有ViuTV 㗎嘛」,及後ViuTV即時於Facebook官方Page出Post指隨時Ready合作,問到Ronald可得悉?他打趣話:「咁佢搞錯咗啦,我哋成晚都係講Post喺我哋自己個T Viu B度,依家Facebook有個Page,雖然乜都未有,但已經有過百人Like,T Viu B係Edmond諗出嚟,美男廚房可以傾吓。(會令ViuTV好失望?)佢Get錯咗啫!我哋都可以合作。(點合作?轉播?)都好!可以斟吓!」

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!
Related Posts Plugin for WordPress, Blogger...