《喜劇之王》經典對白：「錢我大把，有本事就嚟攞啦。我要搵初戀呀！初戀呀！」講起初戀，通常都嫩口啲㗎啦，咁啱身家億億聲嘅黃玉郎，戀愛對象通常都係細佢一大截嘅嫩口美女，大談父女戀，唔通佢又要初戀？
黃玉郎雖然有過多段戀情，但只有一次成功拉埋天窗，就係1971年同漫畫家馬夢妮結婚，於1987年離婚。回復單身後嘅37歲黃玉郎，開始鍾情年紀同佢有返咁上下距離嘅妹妹仔，例如離婚無耐就睇中當時只得十六、七歲嘅黎姿，不過都係兩年就玩完，據聞當時被飛嘅黎姿受到好大打擊。
黃玉郎同倪詩蓓嘅感情亦都為人熟知，畢竟女方係張國榮初戀女友，而且同黃玉郎年齡相差十幾年。二人喺1999年相戀，第二年就生咗個仔，但係無註冊結婚，2004年更分埋手，倪詩蓓就帶住患有自閉症嘅仔離開香港到新加坡生活。此外，黃玉郎喺2013年又被影到同細三十四年嘅林熹瞳拖住食宵夜。
黃玉郎一直都好好艷福，咁多年嚟都大把妹妹仔埋身談父女戀，真係寶刀未老，勁揪！
來源 source: http://nextplus.nextmedia.com
|
鍾意就快D Share啦！
|
|
|
