講起劉倩怡，相信大家無乜印象，最多都只記得佢係鄭子誠太太。佢兩公婆結婚16年，感情一直好好，劉倩怡亦曾公開大讚老公好重視節日，一定會慶祝，唔似其他人咁，會怕紀念日。
若果喺街同劉倩怡撞口撞面，講真未必認得出，畢竟佢太少幕前現身喇。其實，佢後生時都幾省鏡㗎，拍過劇，但主要都係做主持，《勁歌金曲》、《歡樂滿東華》呢啲佢都主持過，1994年又以港台當家花旦姿態，喺紅館做《十大中文金曲》司儀，1996年更被TVB安排採訪亞特蘭大奧運，有過光輝一面㗎！不過，劉倩怡千禧年後逐漸退居幕後，就算近年開始有節目或者廣告商打佢主意，邀請佢拍攝，佢都拒絕，話要謹慎處理喎，因為太耐冇出鏡有啲驚，加上以前幕前形象好，怕依家出鏡反而俾網民彈就唔好啦。除非，係搵佢做扶貧特輯，類似真人騷。有信仰，做嘢都以行善為先，值得俾like。
來源 source: http://nextplus.nextmedia.com
|
鍾意就快D Share啦！
|
|
|
