不少人都將減肥當成終生事業﹗很多受訪的市民都表示曾試過減肥，有的因為結婚、有的因為生完小朋友後體重暴增，有的追求靚以及健康，受訪者Yuki因為生完小朋友後胖了不少，她試過在四個月時間內減掉三十磅，但自言仍未回復懷孕前身形。至於減肥方法，大多市民採取節食及做運動，並揚言不會花錢減肥，不過也有為求效果快而光顧美容中心，受訪者莫小姐認為五萬元以內的療程費用可以接受。
諾貝爾得獎者證實理論
坊間上流傳不少減肥方法，可謂五花八門，而且標榜效果驚人，不過如果胡亂嘗試，隨時會墮入瘦身陷阱，可能減肥不成還有損健康，東網請來「美容瘦身教主」唐安麒（Angel）排解疑難。對於近年流行的斷食減肥法，Angel表示適當的斷食有助身體健康，但她提醒一定要用啱方法，不能盲目斷食﹕「喺過去二十幾年我推廣三日蔬果斷食法，可以令你身體啟動一個叫做自噬細胞嘅功能，令到你瘦得快啲，排便順暢啲，個人都會健康啲，而2016年嘅諾貝爾得獎者亦都證實咗呢個理論。」至於獲不少人推崇的戒食澱粉質減肥法，Angel就完全不鼓勵：「唔食澱粉減肥長期落去對身體係好唔健康，唔可以咁做，因為五穀之氣對我哋人體係非常之重要，所以只要適當地去食粗糧，例如紅米、糙米對身體健好有幫助，千祈唔好因為減肥而完全唔食澱粉，係唔好㗎！」
過分劇烈運動加速老化
除了飲食之外，亦可以靠運動雙管齊下，不過Angel反對做過分劇烈的運動，她解釋：「現代已經好多醫學報告證實咗，過度激烈嘅運動可能令到你瘦，但同時會加速老化。」她建議做一些比較靜態的運動，包括瑜伽、快步行及靜坐等。
十日瘦十吋不是天方夜譚
那麼所謂的快速減肥，究竟有沒有可能做到？還只是天方夜譚？Angel信心十足地表示十日全身瘦十吋並不困難：「重點係你要乖乖地跟時間去做療程，同埋要跟正確健康嘅飲食，喺十日裏面學識一套可以變成易瘦體質嘅飲食方法，同埋要記得補身瘦身係非常重要。」但減得越快，有可能反彈得越快，Angel指出不反彈是減肥重點之一：「如果你為咗減肥，突然之間做好多運動，或者食得好少，咁你緊係瘦但呢個唔係你嘅飲食習慣，所以當你回復正常，你就肥番，你必需要跟一套啱你體質嘅飲食方法，好似我推廣咗好多年嘅唐安麒宇宙飲食，係一個可以令你變成易瘦體質非常好嘅飲食方法，大家不妨考慮吓！」
如欲了解更多詳情，請瀏覽： https://bit.ly/2GjWX3m
|
鍾意就快D Share啦！
|
|
|
