前港姐冠軍馮盈盈在旺角出席玩具店活動，她表示自細已經是卡通片《美少女戰士》粉絲，故拿着變身棒時很開心，更不斷擺甫士影相。她說：「《美少女戰士》係我嘅童年回憶，細個都有叫媽咪買變身器畀我扮變身。」她透露亦有攞過掃把、毛巾在屋企扮香港小姐攞獎，最終亦夢想成真。問到會否叫男友買美少女戰士的玩具給她？馮盈盈笑說：「唔會，我會自己買，如果唔係佢又話我幼稚。」她又指男友喜歡看漫畫，而她亦會陪男友玩遊戲機。
講到她近期忙於拍攝劇集《極道怪咖》，還首次拍攝中槍戲，她笑說：「好似啲超級英雄大戰場面咁，有爆破、槍戰、我又中槍、再爆炸，一晚做晒。」為了拍中槍戲，她透露在身上裝上反應彈，因此十分緊張，更要導演及爆破專家安慰，她笑說：「佢哋話第一次係會緊張啲，但係放鬆啲就唔會太痛，有啲血漿爆出嚟都唔緊要嘅！王浩信經驗豐富就好淡定，我就冇乜經驗，第一次好緊張，後來原來發覺係唔痛嘅，仲好刺激添！哈哈！」
----------------------------
東網巨星開咗ig喇，大家快啲follow
https://bit.ly/2JjSVcr
來源 source: http://hk.on.cc
|
鍾意就快D Share啦！
|
|
|
