- 14歲女兒獨自坐機由英國返港
張兆輝叫個女唔好同男人坐 - 30分鐘前
張兆輝一對寶貝仔女，先後去咗英國讀書，復活節假期，哥哥張焯鏗因灼打算去挪威讀碩士，所以先去視察環境，所以今次只有14歲女兒張卓姿獨自返港度假。
阿女中午抵港，輝哥一見到阿女，即時上前幫手推行李，真係廿四孝老豆。
其實，輝哥接機前一晚，因擔心女兒安危，整晚都瞓唔著，他說：「佢咁細個一個人坐十幾個鐘頭飛機，梗係擔心我之前仲叫佢check in前，睇吓隔離個位係咪男人坐，如果係就要調位，哥哥雖然唔返香港，不過佢都喺英國約克接了妺妹出倫敦送到去機場。」廿四孝果然係緊張大師！
接咗阿女返屋企之後，當晚輝哥就要飛到橫店，為大型古裝電視劇《南歌嘹亮》及內地電影《老傢伙們》開工，所以現在要橫店、深圳、香港同泰國四邊跑。
前日（18日），他在橫店，趁不用開工時，便約埋助手及工作人員去明清宮跑步，教他們運動強身。輝哥現時接拍的電視劇及電影，要一直開工拍至暑假，所以輝哥能接女兒機，見到一面已經好開心。
來源 source: http://nextplus.nextmedia.com
|
鍾意就快D Share啦！
|
|
|
