「順叔」陳泉在70、80年代常在劇集和電影客串演出，包括《家變》、《香港風情畫》及《奇謀妙計五福星》等，與娛樂圈可謂甚有淵源。78年佳視倒閉，泉叔金錢上也有損失，不過他看得很開：「收唔到錢都冇辦法，我記得後來佳視班員工搞遊行搞集會，我咪搵啲車義載佢哋囉。」做司機、做演員、做老闆還不夠，泉叔還學拍片做攝影師，「接觸得多，一路做一路學囉，我成日都話我係畢唔到業嘅師兄，後期黃仲標（著名攝影師）仲喺電影得獎，不過我冇一路做落去之嘛。」
相關新聞：接送肥姐成莫逆
創立無綫劇務組
就連無綫劇務組也是泉叔幫手創立，他說：「劇務組係我發展出嚟，我做得幾多嘢箒，咁咪要幫手搵人囉，借外景啦、搵地方食飯啦。」泉叔與無綫合作無間，70年代麗的向無綫挖角，無綫承諾讓泉叔收正職人工之餘更可兼顧生意，他說：「我同佢哋（無綫）差唔多共同成長，佢嘅嘢即係我嘅嘢，我嘅嘢即係佢嘅嘢，互相關心。」
問到何解80年代移民加拿大多倫多？泉叔說：「啱啱啲細路讀完中學要升學，為咗啲細路讀書，我咪跟住去囉。最先我諗住去台灣，但喺台灣幾年後，啱啱有個機會啲細路去多倫多，咁我咪跟住去多倫多囉。」泉叔移民多倫多後的生活，不是剪草種花、游水做運動，便是學習新科技，每天花六、七小時上網。他說：「嗰啲你唔學就俾人淘汰㗎喇。」
|
鍾意就快D Share啦！
|
|
|
