2019年5月11日 星期六

《鐵探》:生日前夕畀人焗 袁偉豪真係娶張寶兒? __,《鐵探》,張寶兒,袁偉豪,

係囉~係咪娶佢呀?藝人袁偉豪(Ben)與女友張寶兒跟一眾《鐵探》的演員相約食飯睇大結局,明天是Ben的38歲生日,大會安排蛋糕提早為他慶祝,眾人即時起 ...


係囉~係咪娶佢呀?


藝人袁偉豪(Ben)與女友張寶兒跟一眾《鐵探》的演員相約食飯睇大結局,明天是Ben的38歲生日,大會安排蛋糕提早為他慶祝,眾人即時起哄叫Ben娶寶兒,他即時叫大家冷靜。

問到正日如何慶祝?他笑言約了脊醫:「我後脊好痛,搞到全日都偏頭痛同牙痛。(女友點同你慶祝?)我要問吓佢先。呢兩日都約咗朋友食晚飯,我唔鍾意大搞,40歲先(有咩生日願望?)身體健康,希望工作上有多啲新嘗試。(人生大事呢?)袋住先!大家多多包涵,我哋有自己嘅步伐。」

撐惠英紅做視后

Ben早前跟楊明到了哥倫比亞拍攝《打工捱世界3》,他稱因當地網絡不穩定,所以未能追劇,亦沒有跟女友視像。講到劇情非常催淚,他說:「我尋晚有睇都唔錯,屋企人都有打畀我,話好感動。(網民撐惠英紅攞視后?)暫時都好有優勢,不過好多劇都未上,我都想佢攞,難得佢返嚟拍劇,係佢巔峰之作。(你攞視帝?)我做到自己想做,有朋友話想我攞,但我受之有愧,喺我個角度冇完美,只求做得好過上一部,做到自己本分,獎項就睇觀眾。」

冇得二人世界

對於男友生日,寶兒稱禮物要保密:「其中一份禮物喺海外訂購,仲未送到。(包起你自己做禮物?)每年都送會悶,聽日會同埋朋友一齊食飯。(介意冇得二人世界?)我哋做呢行經常都好忙,大家可以夾到一齊食飯好難得。」對於Ben表示人生大計要袋住先,她說:「袋住先!我哋未去到呢個階段,都好享受拍拖階段。」




來源 source: http://hk.on.cc
鍾意就快D Share啦!
Related Posts Plugin for WordPress, Blogger...