掃呢頁CODE去手機

2019年6月11日 星期二

黃穎君:佗B六個月!《東張》黃穎君搵銀搬大屋 __,黃穎君,

原來有咗!藝人黃穎君(Burmie)2015年下嫁導演丘一峯後,未有放棄幕前工作,近年更因拍攝劇集《降魔的》的「龍貓嫂」以及擔任無綫節目《東張西望》外 ...


原來有咗!


藝人黃穎君(Burmie)2015年下嫁導演丘一峯後,未有放棄幕前工作,近年更因拍攝劇集《降魔的》的「龍貓嫂」以及擔任無綫節目《東張西望》外景主持為人熟悉。不過早前她在《東》中訪問市民如何慶祝母親節時,因俯身訪問市民不經已露出「事業線」,竟觸動網民神經,指她靠性感博出位!但原來是她懷孕令上圍升Cup,為搵奶粉錢未有停下來,翻查其社交網,見她除做主持,過去幾個月仍積極出各大活動以及拍攝劇集《降魔的2.0》,趁生B前搏殺搵銀!

鍾情千萬單位

如此努力吸金,全因她想細屋換大屋,據知她有感BB出世後需要更多活動空間,故日前開工前的個半小時,單拖出動快閃現身某大型商場了解行情。已經肚大如籮的她,穿上黑色連身裙以及三吋鬆高鞋,步履尚算輕盈。在地產舖外,她特別鍾情逾千萬三房大單位,不時拍下樓盤資料作參考,期間又向店員詢問有關詳情,但卻十分論盡,竟甩手接不住宣傳單張,要勞煩店員代為拾起。

行到腳抽筋

及後見她轉睇BB車及洗澡用具等,但未有因大肚關係,要店員施展女王式招呼,反而非常貼地獨自研究,更不時踎低研究,又化身用家抬起BB車推前推後,測試其性能,毫不錫身!之後,她轉戰睇BB衫,不時詢問店員意見,主攻較男仔BB衫,流露出準媽媽喜悅,相當期待BB出世!濕平濕到一半,Burmie突然抽筋,立刻找個座位坐低休息,見她邊按電話向老公報告,邊按腳減輕痛楚,之後又伸懶腰及按摩腰部,休息大約30分鐘再起身濕平。之後轉戰到平民連鎖服裝店置開工衫,以及行超級市場,買水果充飢吸收維他命,給予BB營養。

佗B搞到皮膚變差

Burmie接受東網訪問,大方承認懷孕6個月佗B仔:「當時拍《降魔的2.0》一半,先發現自己有咗,見劇本都冇乜危險場面,所以先冇講,再加上我知道我講咗懷孕,大家一定好照顧我,所以我唔想造成恐慌。」問到是否有意換大屋?她說:「趁樓市平穩啲,都想換大啲間屋,畀小朋友多啲空間,亦都想搬近校網同埋屋企人,等到時可以幫幫手。」她又透露現時因佗B引致皮膚變差,更容易疲倦,她說:「依家個肚愈嚟愈大,開始容易攰。我一樣BB嘢都未買,其實陸續都有朋友話畀啲二手BB我,我都好開心,但想貴精不貴多,驚屋企太多BB嘢。」




來源 source: http://hk.on.cc
鍾意就快D Share啦!