賭王四房大女何超盈，年初宣佈去年已與哈佛高材生辛奇隆訂婚，並已陀有B女「荷包蛋」，她曾透露9月是預產期，但由於BB太長肉，不排除會提早開刀。《蘋果》前日收到消息，超盈已在醫院順利開刀誕8磅重BB，弟弟猷君還大爆全家人在產房都有感動流淚，四太則表示感覺自己老了，並透露賭王已見過孫女。
相關新聞：【超豪排場】大禮嫁妝以億計
現年28歲的何超盈去年9月與比她小七年的男友辛奇隆（Thomas）訂婚，年初公告喜訊，並宣佈已有BB，由於今年是盲年，超盈計劃明年夏天才在葡萄牙舉行古堡主題婚禮。超盈陀B後，全力停工養胎，她於6月時為好友嚴紀雯婚禮做姊妹，當時已陀B七個月，她接受訪問時透露9月預產期，但由於BB太長肉，不排除會提早開刀。超盈前日就傳來好消息，在養和醫院開刀誕下8磅重B女，據知由於超盈陀B增磅，BB營養已相當足夠，等預產期自然分娩會對母女有風險，故聽取醫生建議下，BB提早兩周出世。
猷君感動到喊
《蘋果》向超盈查詢，對方以短訊回覆道：「謝謝。」升級為大舅父的猷亨就開心回覆：「好開心，一直好期待呢日發生，終於來臨。」細舅父何猷君則道：「好神奇，做細舅，一定當自己個女去錫，當自己個女去教，當自己個女去愛。」他還大爆：「家姐生完，我哋都攬一攬我哋自己媽咪，要多謝佢，大家喺產房都好感動，都有喊。」
四太梁安琪昨午2時半離開醫院，雖然一臉疲態，但仍難掩喜悅的心情，四太指自己前晚已見過孫女：「感覺到超盈係大個咗，當荷包蛋出世，我覺得以後唔使再接受記者訪問，因為已經做唔到咁多嘢，要湊孫，忙到變咗一pat嘢，唔夠時間。」她笑稱自己眼腫腫的原因是睡眠不足，問到何生是否已見了孫女？她笑說：「你諗一諗呀，何生應該見咗，多謝大家。」
相關新聞：【兒孫滿堂】何鴻燊有10個孫
四太：我老咗
問到何生有否幫手餵奶？四太說：「超盈會搞掂，所以佢真係大個咗，我自己就老咗。」她又指生小朋友不是簡單事：「大家都經歷過，希望荷包蛋快高長大，最緊要係健健康康，由有咗到出世前一刻，超盈都好擔心，我知道佢好感動，不過我唔入得產房。」至於準備了甚麼禮物送給孫女？四太說：「呢個遲啲先喇，我𠵱家要出去開會，今晚唔嚟，但係我其實成日都喺呢度，要照顧何生，樓上樓下，何生更加緊要。」
另外，三太昨日也有現身醫院，離開前被問到知否超盈生了BB，她表示知道後便匆匆上車離開。超盈好友陳柏熹也有探BB，他說：「我睇咗BB女啲相，似媽咪，我哋傾過偈，超盈仲有啲暈暈哋，Auntie最開心。」禮物方面，身為契爺的陳柏熹說：「送咗粒鑽石畀佢，等佢將來大個女再決定點樣用，之前超盈叫我幫佢囡囡設計手袋，我仲設計咗啲月餅盒畀佢用嚟送禮，將來睇番都識得笑。」
採訪：羅慧敏
攝影：林賓尼
|
鍾意就快D Share啦！
|
|
|
