掃呢頁CODE去手機

2019年8月19日 星期一

【夏萍設靈】林家棟憶片場互相爆粗「問候」 承諾照顧夏萍到尾 __,夏萍,林家棟,

(攝影:仇志德)
資深女星夏萍本月初逝世,享年81歲,其契仔林家棟4時多到達殯儀館,然後約4時33分在靈堂外接受記者訪問,他受訪期間數度落淚,林家棟透露夏萍生前已交帶過 ...


資深女星夏萍本月初逝世,享年81歲,其契仔林家棟4時多到達殯儀館,然後約4時33分在靈堂外接受記者訪問,他受訪期間數度落淚,林家棟透露夏萍生前已交帶過不想火葬,他說:「契媽生前講過想土葬,佢話好驚火,所以安排土葬。」而林家棟指夏萍自稱81歲,他說:「因為當年嚟香港搵工,所以報大咗少少,照計都係寫番81」他又說夏萍性格倔強,所以不會問太多私事。

相關新聞:【夏萍設靈】張國強陪度過最後日子︰佢安詳咁走係我好大安慰



林家棟又透露夏萍因中風離世:「其實佢7月底中風,因為佢本身有糖尿病,又有高血壓,所以醫生就講咗,話預咗某啲藥會影響個病情,醫生亦都話佢咁嘅年紀亦都好難去做一啲好大嘅動作去幫佢手,惟有用藥物慢慢去吊住,希望佢可以冇咁辛苦。」



林家棟表示當時自己其實在大陸開工中:「我聽到呢個消息就同佢講可唔可以捱到我返嚟,佢話佢盡人事,最後捱咗兩個禮拜。」之後林家棟激動落淚,並指自己可以見到夏萍最後一面。

相關新聞:【夏萍設靈】林家棟喪服現身靈堂打點 黎明秋生送花圈致祭



問到兩人之間的難忘回憶,林家棟指過去在電視台相處那20幾年來,覺得夏萍性格率直,經常用粗口罵他,最開心是大家開工時會不停互相「問候」,甚至自己被蚊叮到,夏萍都會出手幫他止癢,好像一個媽媽照顧小朋友一樣。



問到夏萍有甚麼遺願,林家棟說:「佢成日都擔心自己走咗會點,我話唔使擔心,我喺度,我可以做嘅就係陪住佢。」林家棟稱10年前已經考慮過安排夏萍入住護老院,但當時她不肯,提到上次夏萍在家中跌倒後10小時才被發現,於是林家棟立即跟杜琪峯提議藝進同學會有間老人院,不如讓夏萍入住,最後3日內便搞掂。林家棟續說:「當時契媽都同我講,到時佢走咗點算?我同佢講『我叫得你做阿媽,你叫得我做仔,我一定會照顧你到尾』。」



採訪:黃曉妍

攝影:仇志德



(攝影:仇志德) 林家棟透露夏萍上月底中風,延至今個月離世。 林家棟透露夏萍上月底中風,延至今個月離世。
林家棟曾向夏萍承諾,照顧對方至終老。

林家棟曾向夏萍承諾,照顧對方至終老。
林家棟提起契媽夏萍往事,數度落淚。

林家棟提起契媽夏萍往事,數度落淚。

鍾意就快D Share啦!