資深女星夏萍本月初逝世，享年81歲，其契仔林家棟4時多到達殯儀館，然後約4時33分在靈堂外接受記者訪問，他受訪期間數度落淚，林家棟透露夏萍生前已交帶過不想火葬，他說：「契媽生前講過想土葬，佢話好驚火，所以安排土葬。」而林家棟指夏萍自稱81歲，他說：「因為當年嚟香港搵工，所以報大咗少少，照計都係寫番81」他又說夏萍性格倔強，所以不會問太多私事。
林家棟又透露夏萍因中風離世：「其實佢7月底中風，因為佢本身有糖尿病，又有高血壓，所以醫生就講咗，話預咗某啲藥會影響個病情，醫生亦都話佢咁嘅年紀亦都好難去做一啲好大嘅動作去幫佢手，惟有用藥物慢慢去吊住，希望佢可以冇咁辛苦。」
林家棟表示當時自己其實在大陸開工中：「我聽到呢個消息就同佢講可唔可以捱到我返嚟，佢話佢盡人事，最後捱咗兩個禮拜。」之後林家棟激動落淚，並指自己可以見到夏萍最後一面。
問到兩人之間的難忘回憶，林家棟指過去在電視台相處那20幾年來，覺得夏萍性格率直，經常用粗口罵他，最開心是大家開工時會不停互相「問候」，甚至自己被蚊叮到，夏萍都會出手幫他止癢，好像一個媽媽照顧小朋友一樣。
問到夏萍有甚麼遺願，林家棟說：「佢成日都擔心自己走咗會點，我話唔使擔心，我喺度，我可以做嘅就係陪住佢。」林家棟稱10年前已經考慮過安排夏萍入住護老院，但當時她不肯，提到上次夏萍在家中跌倒後10小時才被發現，於是林家棟立即跟杜琪峯提議藝進同學會有間老人院，不如讓夏萍入住，最後3日內便搞掂。林家棟續說：「當時契媽都同我講，到時佢走咗點算？我同佢講『我叫得你做阿媽，你叫得我做仔，我一定會照顧你到尾』。」
採訪：黃曉妍
攝影：仇志德
|
鍾意就快D Share啦！
|
|
|