53歲的郭富城2017年跟方媛（Moka）結婚，兩年抱兩，長女Chantelle已2歲，今年4月出世的幼女Charlotte也5個月大，城城特意在結婚兩周年當天宣佈「二寶」出世了。有過湊長女的經驗，照顧二寶當然冇難度。Charlotte的樣子至今未曝光，城城只在Instagram貼過全家牽手相。
讀者黎先生透過《蘋果》的「爆相爆片」，昨日下午4時左右在金鐘的出生登記處拍到城城及Moka往辦理手續，同行還有一女子，黎先生提供的短片，看到戴帽城城坐下跟職員搞手續，束馬尾配黑白打扮的Moka則站在老公身後，隔了一會，Moka也坐在城城身邊等候。
黎先生今日接受電話訪問時說：「我哋帶囝囝去搞出世紙，咁啱見到城城同Moka，唔知係咪同細女搞出世紙，佢哋應該網上登記咗，所以一嚟到就埋咗去12號窗登記，我哋咁啱坐佢隔籬，我哋聽到佢同職員講緊英文名字點樣拼音，我哋聽唔清楚佢個名。」不過Charlotte已5個月大，根據資料顯示，嬰兒出生後42天內可免費辦理出生登記，如在嬰兒出生42天後，但不超過一年內辦理出生登記手續，則須繳付登記費用港幣140元。相信他們未至於那樣烏龍，遲了幾個月才往為二寶申請。黎先生續說：「咁佢哋可能更改BB出世紙資料，嗰度都有呢個服務㗎。」
-----------------------------
| (讀者提供圖片/資料圖片) | | |
| | | |
|
鍾意就快D Share啦！
|
|
|
