今日特首林鄭月娥落區，舉行首場「社區對話」，跟150名獲選中的市民對話。舉行活動的伊利沙伯體育館附近的中、小學，基於安全考慮都提早放學。為配合林鄭造勢，今日有自稱「一群香港資訊科技業界的從業員」在《文匯報》頭版，刊登全版廣告，表示支持警方執法「除暴安良，維持法紀」等等。有600多人的聯署當中，居然發現有棟篤笑男神「黃子華」的名字，亦有旅遊家「李樂詩」及前藝人「張玉珊」的名字。黃子華經理人今日接受《蘋果日報》電話訪問時澄清︰「相信只係一個同名同姓嘅人，子華都唔屬於嗰個群組（IT）。」
另外，在Facebook有名為「前線科技人員」的群組發文，貼出今日《文匯報》這份頭版廣告，表示「今日有班自稱IT人買起咗《文匯報》頭版反對五大訴求，支持警方執法。我哋前線科技人員作為愛國愛港嘅團體，對於同業嘅訴求深表欣慰及認同。為咗表揚佢哋，我哋特登整咗個 Google Sheet 將佢哋嘅名放上去，如果入面有你識嘅人，歡迎提供資料，等更多人認識佢哋。」有網民留意到「黃子華」的名字，留言「我知408黄子華呀！原來轉咗行做IT」，不少人表示「裏面啲名好大陸」、「我唔信香港有IT人叫小妹，細妹之類的名字，好有順德馬姐feel。」
來源 source: http://hk.entertainment.appledaily.com
|
鍾意就快D Share啦！
|
|
|
