掃呢頁CODE去手機

2019年10月26日 星期六

與潘源良結束30年愛恨纏綿李麗珍.放下 感情包袱 __,李麗珍,潘源良,

入行多年的珍妹情路坎坷,提到感情事,她卻淡然地說:「等個天安排。」
入行多年的珍妹情路坎坷,提到感情事,她卻淡然地說:「等個天安排。」【娛樂人物】李麗珍性格敢作敢為,曾拍攝大膽寫真及三級片,至於愛情亦是敢愛敢恨。自從跟 ...


【娛樂人物】

李麗珍性格敢作敢為,曾拍攝大膽寫真及三級片,至於愛情亦是敢愛敢恨。自從跟許愿離婚後,珍妹重投舊愛潘源良懷抱,自1986年拍《戀愛季節》撻着後,兩人糾纏30年。隨着男方去年再婚,但新娘不是珍妹,感情受創經過時間洗滌後,珍妹重新出發。對於愛情,珍妹坦言:「𠵱家唔諗住喇,我唔想孭呢個包袱。」

撰文:唐琛悠

攝影:沈健程

相關新聞:唔夠圓滑冇爭角色

隨着潘源良去年宣佈再婚,李麗珍終跟他結束一段30年愛恨糾纏的關係,有指因為這段刻骨銘心的感情,珍妹情緒一度出現問題,需服食兩年情緒藥。現年53歲的珍妹終於清醒過來重新振作,復出頭炮是接拍ViuTV處境劇《娛樂風雲》,日前在大角嘴接受《蘋果》專訪,眼前的珍妹令人有重生感覺,她神采飛揚說:「都要㗎,我自己都話要重新出發,咁梗係要做番啲嘢,如果講完又懶咗落嚟,咪即係自打嘴巴?」重生之路是否難行?珍妹笑說:「暫時都OK,做人點都要向前看,個女又就嚟畢業,我又甩難,所以要為自己安排工作,𠵱家心態ready好晒,想試多啲以前未試過嘅角色。」



慣咗高高低低

每當提到李麗珍這名字,不少人覺得她的人生相當精采,初入影圈走清純少女形象,後來變成性感女神,轉眼間又搖身一變金馬獎影后,順風順水;但珍妹在感情路上卻經常受傷,但她依然勇敢去愛:「我呢世人成日高高低低,我自己都慣咗,其實我又唔係覺得好精采喎,但係我又冇諗咁多,過咗去就過咗去,做人要向前看,點都要繼續走。我唔會成日諗返以前,做人唔可以只係諗唔好嗰方面,都會諗啲開心嘢,諗吓自己要做更好,有時間不如諗吓點樣做好角色,唔好嘥腦汁諗其他喇!」

珍妹坦言即使無論如何都要學識放下,眼前對她來說是人生的新一頁,最緊要是開心,大前提一切要為自己着想,雖然已53歲,但珍妹對前景仍充滿希望:「可能冇乜掛慮,個女又就嚟畢業,又同屋企人住,其他又冇乜嘢,可以開開心心咁生活,唯一係事業可以激發吓我,我覺得開工食飯盒都已經好開心,一大班人陪你食,其實一啲都唔容易!」

珍妹在訪問中只談工作,並無多談感情事,她只是淡淡說:「𠵱家唔諗住喇,我唔想孭呢個包袱,呢啲睇個天安排。」會否過去留下陰影,不敢再投入另一段感情?她擰擰頭說:「順其自然,呢啲都係等個天安排,到時先諗,𠵱家都未係,唔諗喇!」

相關新聞:【金馬影后】拍三級片求突破



珍妹與潘源良四合四離,大前年分手後珍妹情緒更一度出問題,需要食藥。資料圖片 珍妹與潘源良四合四離,大前年分手後珍妹情緒更一度出問題,需要食藥。資料圖片
珍妹在1996年與許愿結婚,但婚姻僅維持四年。資料圖片

珍妹在1996年與許愿結婚,但婚姻僅維持四年。資料圖片
珍妹女兒沒想過入行,她笑說演藝細胞沒有遺傳到給囡囡。資料圖片

珍妹女兒沒想過入行,她笑說演藝細胞沒有遺傳到給囡囡。資料圖片

囡囡唔會入行

劇中飾演珍妹兒子的「華Dee」何啟華,對娛樂圈深感興趣,但在現實生活中珍妹的女兒卻相反,從未有計劃入娛樂圈,她說:「佢冇諗過,完全遺傳唔到畀佢,佢鍾意平凡簡單啲嘅生活,唔係好鍾意呢行,最多只係做觀眾。佢都冇睇過我做嘅戲,最近係睇返《女人俱樂部》,之後仲叫我做多啲佢想睇嘅角色,我咪問佢即係乜嘢,原來係搞笑戲,我希望今次可以搞到佢笑!」到底是復出的第一炮,珍妹有否緊張留意觀眾的評價?她說:「我又冇理呢啲喎,我都係跟劇本做好自己本份,評論嘅嘢反正都控製唔到咁多,我一直只係做好自己,唔係好聽人哋講嘢。」

場地提供:客廳




鍾意就快D Share啦!