榮升「嫲婆豆腐」 梁安琪考慮送樓
四太梁安琪兩個月內先後榮升婆婆及嫲嫲，繼女兒何超盈生女後，兒子何猷君更為何家添長孫，意義重大。她昨日受訪時多次說開心及興奮，爆長孫的乳名是「荷葉飯」，跟超盈的「荷包蛋」一脈相承：「我叫自己做『嫲婆豆腐』，大家可以咁樣叫我。」之前超盈生女，四太大手筆送鑽石，問到會否送層樓給首個男孫？她笑言：「要諗吓先，呢個係男孫，要慎重考慮。」對於猷君別具心思，安排她為「荷葉飯」剪臍帶，她透露：「其實都係Last一刻先知（係仔），好神秘，知男孫係好開心。」四太直言當時震過貓王：「手都震埋，有少少嚇親，好彩冇蝦碌。多謝個仔安排，好有心思。」問到長孫樣子似爸爸還是媽媽？她說：「睇怕要過兩、三日，收咗水先。（希望BB成為家族中最靚仔？）點計都係何生（賭王）最靚仔，冇人靚仔得過何生。」
昨晚四太現身醫院時說：「喜事重重，依家升級做嫲婆，要請大家食『麻婆豆腐』餐！依家開始每日嚟抱吓（孫）。」並爆長孫提早出世，但足月的，笑言自己年紀大，考慮退休湊孫，並笑說可以左抱一個、右抱一個，因為耕過田有番咁上下。
來源 source: http://orientaldaily.on.cc
|
鍾意就快D Share啦！
|
|
|
