大台台慶劇《牛下女高音》已經播到中段，在鍾景輝、蔣志光、曾偉權、吳岱融和鄭敬基一班好戲中佬撐場下，故事發展亦開始滲出劇味。雖然曾經有觀眾表示看到黃心穎的演出，直言諗起安仔，甚至揚言已熄機，但仍然有不少人留意昨晚播出的一集，直言有點「人生如戲、戲如人生」的感覺！
心穎在戲中之所以不修邊幅，全因她曾經歷過婚姻失敗，於是選擇逃避現實，在昨晚播出的一集，是因為心穎發現在張振朗的安排下與前夫見面，自覺「被出賣」的心穎，喊住鬧爆張振朗訴心聲：「有好多嘢係返唔到轉頭，點解你哋係都逼我諗番以前，睇番以前？我好努力咁想向前行，想做番自己，過番自己嘅生活，點解你哋係都要掹番我返去？」而且在日前播出的一集，心穎對着張振朗哭訴：「以前，唔可以返轉頭了，我已經唔係加拿大嗰個我，以前嘅我，讀書好叻，拎獎學金，好多人都羡慕我，原來以前係好開心，但而家嘅我人又冇、錢又冇、樣又冇，做咩都做唔好，做咩都好似錯咁……連老公都唔包容我，仲有邊個畀機會我？」
因為妹妹的關係，身為家姐的心美亦不時受到抨擊，不過到底是一家人，於是乎她在IG寫下打氣說話：「你的開心難過，我與你同步，沒事的，有我在，我一直都在！」昨日心美在IG Story放了一張心穎在戲中的截圖，相中有數句對白：「有好多嘢係返唔到轉頭，我好努力咁想向前行，我想做番自己，我想過自己嘅生活啊！」她留言說：「今晚拍完戲返到屋企，只係睇到最後嗰幾分鐘，多謝fans send呢段畀我，多謝你哋成日提我夠鐘睇劇。老老實實，我冇追睇，如果咁啱嗰晚喺屋企睇到就睇，就係咁。」她還說：「亦唔好再問我覺得細妹做成點，我唔係一個好叻acting嘅人，我冇資格去評論任何人嘅演技。我只覺得，作為一個artist，拍咗嘅作品有得出街係開心事，至於反應如何，亦唔喺控制範圍之內，亦一定會有人鍾意有人唔鍾意，完！」
|
鍾意就快D Share啦！
|
|
|
