掃呢頁CODE去手機

2019年10月21日 星期一

惠英紅視后坐定粒六 李施嬅有口碑當贏咗 __,惠英紅,李施嬅,李詩韻,視后,

李施嬅隨時「后」來居上,但她覺得劇集有好反應已當贏。
惠英紅視后坐定粒六李施嬅有口碑當贏咗今年「視后」之爭相對簡單,網上早已睇好年初播出的《鐵探》惠英紅,貴為影后級人馬的她可謂由頭帶到尾,更坦言有心爭獎, ...


惠英紅視后坐定粒六 李施嬅有口碑當贏咗

今年「視后」之爭相對簡單,網上早已睇好年初播出的《鐵探》惠英紅,貴為影后級人馬的她可謂由頭帶到尾,更坦言有心爭獎,希望觀眾不要忘記投她一票,難怪「視后」唐詩詠亦笑言未戰先敗。

2017年憑《不懂撒嬌的女人》封后,轉眼兩年,唐詩詠今年擔正的《解決師》雖有台慶劇的優勢,但她提早投降:「我今年睇好紅姐(惠英紅),冇呢個諗法,亦唔到自己去諗,所以就唔諗囉!」講到於《白色強人》中,與馬國明的感情線很受落,詩詠坦言很喜歡這個劇本:「入面嘅角色大家好鍾意,我都喜出望外!擺咗好多時間喺入面。」

唐詩詠黃智雯唔睇好自己

講到熱播的《解決師》,詩詠表示該劇的題材特別,希望大家細心欣賞:「其實最大嘅目標係希望觀眾睇到我嘅努力,之前大家仍然覺得我有不足地方,所以拍《白色強人》嗰陣畀多100或者200%努力、付出,希望觀眾真係可以投入角色入面,呢個係最重要,獎項嘅嘢我唔會多諗,從來唔會諗自己範圍以外嘅嘢。」這段時間,詩詠趁放假去日本、韓國旅行,沒有參透人生、沒有刻意計劃:「咁啱遇到就去,想做就做。」

惠英紅對「視后」虎視眈眈,呼籲觀眾投她一票。
  • 惠英紅對「視后」虎視眈眈,呼籲觀眾投她一票。
黃智雯睇好惠英紅與李施嬅,對封后信心平平。

  • 黃智雯睇好惠英紅與李施嬅,對封后信心平平。
唐詩詠與王浩信若繼2017年後再拍住上贏獎,將成一時佳話!

  • 唐詩詠與王浩信若繼2017年後再拍住上贏獎,將成一時佳話!

另一位熱選「視后」、憑《金宵大廈》爆紅的李施嬅,劇中所演的「Coco」語調很誘人,旗袍Look更成功展現女性曲線美與東方特色而大獲好評,但對爭獎只抱平常心,昨日回覆時指劇集有好反應已經當贏:「好感激觀眾、網民,畀到好多鼓勵我,好感動、好開心,已經當贏晒!至於獎項,我攞到固然開心,係好完美嘅結局,但獎呢啲嘢唔係我控制,《金》劇成功已經好感恩!(睇好邊個?)呢排飛嚟飛去,冇認真睇晒啲劇,留畀大家決定」

至於去年「星馬視后」黃智雯今年大有機會憑《街坊財爺》獲提名視后,但面對紅姐亦投降:「我都好欣賞紅姐霸氣嘅演出,亦好支持施嬅,佢嘅造型好靚!」

化妝:Jessica Chan

髮型:Eve (唐詩詠)

服裝:Theory(王浩信)




鍾意就快D Share啦!