熱爆娛樂: 【山聰結婚】兄弟郭政鴻有得飲茶契姐伍詠薇恨到出面：閂埋門一定要斟畀我 _

2019年11月1日星期五

【山聰結婚】兄弟郭政鴻有得飲茶契姐伍詠薇恨到出面：閂埋門一定要斟畀我 __,伍詠薇,郭政鴻,陳山聰,

伍詠薇（伍姑娘）偕老公練海棠恩愛到場，一齊祝賀契細佬陳山聰新婚之喜。伍姑娘大笑說：「大姑奶、大姑丈嚟嘞！」

今早山聰和太太Apple都有依足傳統向長輩斟茶，除兄嫂外，好兄弟郭政鴻都有份。伍姑娘亦恨飲茶恨到出晒面，說：「我都想呀，但我身份只係契家姐，雖然我都想飲茶，但我今日扮靚之餘都有直擊，佢斟茶畀阿哥阿嫂時，見佢哋都喊咗出嚟。始終我真正身份係冇血緣關係，但佢斟畀我飲，我都會好開心，自己唔會逼佢，但閂埋門佢一定要斟杯茶畀我飲囉，因為患難嘅姐弟唔容易。」

伍姑娘祝山聰能三喜臨門，她說：「見佢最近事業好好，又結婚，希望佢哋快啲生BB，我就榮升做姑婆。我今日心情仲開心過一對新人，會送錢同埋送個人，我成個人過咗海嚟搵佢，過海好重要架。」她表示與Apple不算好熟落，是與山聰冰釋前嫌後才認識，覺得陳太令山聰改變好多，她笑說：「Apple簡直係我《97家有喜事》個名『賢淑』，唔係話我自己，但佢係好靚嘅素人，斯文又大方，香港好老婆嗰種，我唔識形容畀大家聽，兩人相處係會互相改變對方。」

採訪：卓寶花

-----------------------------

-----------------------------

身為契姐的伍詠薇恨飲茶恨到出面。（攝影：沈健程、攝錄：仇志德）	郭政鴻今早飲茶時都忍不住眼濕濕。	 山聰和太太斟茶給兄嫂。
 伍詠薇和老公練海棠恩愛到賀，還有譚俊彥和太太。	 伍詠薇祝福一對新人永遠開心。	 《金宵大廈》拍檔「Alex」李施嬅
 馬德鐘和太太張筱蘭	 陳展鵬與太太單文柔	 李添勝
 謝東閔與女友朱智賢	 胡定欣與好姊妹胡蓓蔚一齊現身。